Meksika. Do’stlari Dani deb chaqiruvchi Yoqimtoy qiz Daniela Ramos, akasi bilan birga ertalabdan ishlash uchun zavodga keladi, lekin yaqinda ularni ishdan bo’shatib o’rinlarini avtomatika bilan alishtirishlari ma’lum bo’ladi. Bu qiz uchun mashinalar tarafidan bo’lgan yagona tahdid emas: shu zahotiyoq unga kelajakdan jo’natilgan REV-9 modelli o’lmas terminator hujum qiladi. Biroq Danini Greys ismli ayol himoya qiladi. U ham kelajakdan kelgan va o’z jangovar xususiyatlarini terminatorlar darajasida takomillashtirgan. Tez orada ularning saflariga, robot-qotillarning haqiqiy ovchisiga aylangan Sara Konnor ham kelib qo’shiladi.