Allaqachon ajdar bilan jang qilgan, go'zal malikani qutqargan va rafiqasi tomonidan qarindoshi bo'lgan qirollik oilasi boshiga kelgan balodan ularni qutqarib qolgan org yana nima qilishi mumkin? Xo'sh, agar u biz bilgan Shrek bo'lsa, u o'zi ham sezmagan holda uyda o'tirib qolib, oilasi davrasidagi halovatdan zavq topadi. Avvalgidek qishloq aholisini qo'rqitish o'rniga Shrek, o'zi xohlamasa ham, ularning panshaxalariga dastxat qo'yib beryapti. Bu orgning o'sha mashhur hayqirishi qayoqqa yo'qoldi? O'zini "haqiqiy org" his qilgan o'sha eski davrlarni qumsagan Shrek, so'zamol Rumpelstiltskinning avrashlariga rozi bo'lib, u bilan shartnoma imzolaydi. Shu lahzadayoq Shrek, boshqa borliqdagi To'qqizdan uch qirolligida paydo bo'lib qoladi. U yerda esa hammasi teskari: bu yerda orglarni ovlashadi, Rumpelstiltskin taxtda o'tiribdi, Shrek va Fiona esa hatto tanishishmagan. Endi do'stlarini qutqarish, odatiy hayot tarzini qaytarish va yagona haqiqiy muhabbatini qaytarib, bu qilgan xatosini to'g'irlashga Shrekning faqat o'zigina qodir.
