G'aroyib sarguzashtparast kapitan Djek Chittakning qiziqarli sarguzashtlarga boy hayoti uning ashaddiy dushmani kapitan Barbossa Djekning Qora Marvarid kemasini o'g'irlab, keyin esa Port Royalga hujum uyushtirib, gubernatorning sohibjamol qizi Elizabet Svonni o'g'irlab ketganidan so'ng keskin o'zgaradi. Elizabetning bolalikdagi do'sti Uill Tyorner qizni qutqarish va bir yo'li yovuz kapitandan Qora Marvaridni qaytarib olish uchun Djek bilan birga Britaniyaning eng tezkor kemasida qutqaruv ekspeditsiyasiga boshchilik qiladi. Bu juftlikning ortidan Elizabetning qaylig'i sifatida ko'riladigan shuhratparast kommodor Norrington ham yo'lga chiqadi. Biroq Uill, Barbossa ustida uni va jamoasini oy yog'dusi ostida tirik skeletlarga aylantiruvchi la’nat osilib turganidan bexabar. La’nat faqatgina qaroqchilar tomonidan o'g'irlangan Atsteklar oltinlari eski joyiga qaytarilgandagina yo'q bo'ladi.