Klonlar urushining uchinchi yili ketmoqda. Qachonlardir tinch va osoyishta davlat bo‘lgan Galaktika Respublikasi kansler Palpatin boshchiligidagi klonlar va sitxlarningn qora lordi graf Duku yetakchiligidagi droidlar armadasi o‘rtasidagi jang maydoniga aylandi. Respublika sekin-asta zulmatga cho‘kmoqda. Tez orada galaktikani yutib yuborishi mumkin bo‘lgan yovuzlikka faqatgina tinchlik va adolat himoyachilari bo‘lgan ritsar-jedaylar qarshi chiqa oladi. Biroq haqiqiy jang, yosh ritsar-jeday Enakinning qalbida, jedaylik burchi va rafiqasi, senator Padem Amidalega bo‘lgan sevgisi orasida sodir bo‘lmoqda. Bu dunyoning kelajagi — bu kurashda qaysi hisning g‘olib bo‘lishiga bog‘liq.