Endilikda nafaqat sehrgarlar dunyosi, balki magllar dunyosi ham Volan-de-Mortning ortib borayotgan kuchini o‘zlarida his qilishmoqda. Hogvartsni esa, avvalgidek ishonchli boshpana deb atolmaysan. Garri, qasrning o‘zida qandaydir xavf borligidan shubhalanyapti, lekin Dambldor uni ko‘proq, yaqinlashib kelayotganini bilgan, so‘nggi kurashga tayyorlashga e’tibor qaratgan. Birgalikda ular Volan-de-Mortning boqiylik sirini bilishga harakat qilishmoqda va shu tufayli, Dambldor damla tayyorlash fani bo‘yicha ustozlikka, tanlangan o‘quvchilari bilan o‘tirishlar qilishni yoqtiruvchi va yuqori martabali tanish-bilishlari borligi bilan faxrlanuvchi eski do‘sti va hamkasbi — professor Goratsiy Sliznortni taklif qiladi. Biroq bu olifta, Dambldor aynan undan tilsimlar haqidagi muhim ma’lumotlarni olishni umid qilayotganidan xabari ham yo‘q. Bu vaqtda esa o‘quvchilarga turli-tuman dushmanlar hujum qilmoqda, o‘smirlik hissiyotlari esa qirg‘oqlaridan toshib ketmoqda. Garri, Djinniga nisbata befarq emasligini tushuna boshlayapti, lekin Din Tomasni ham unga tuyg‘ulari bor. Lavanda Braun esa — u kutgan o‘sha yagona inson Ron deb miyyasiga quyib olgan, bunga sehrli ta’sir ko‘rsatuvchi shokoladli konfetlar sababchi bo‘lishi mumkinligini esa hayoliga ham keltirmagan! Va nihoyat, Germionaning rashki alanga olmoqda, biroq o‘z hislarini ko‘rsatmaslikka harakat qilmoqda. Romantik munosabatlar gullab-yashanayotgan bir vaqtda, faqat birgina o‘quvchi bu ishlardan chetda turibdi. U o‘z tamg‘asini qoldirishni jiddiy maqsad qilgan, qora tamg‘asini. Havoda sevgi uchib yuribdi, ammo oldinda kulfat kutmoqda va Hogvarts balki endi sira avvalgidek bo‘lmasligi mumkin.