Matonat

Mayor Davron Tangirov o'z kasbiga, burchiga sodiq inson. Bir kuni u chegaradan taqiqlangan yukni olib o'tayotganlarning iziga tushadi. Ulardan biri Sanjar aka bo‘lib, mayorning shogirdi O'rozboy uning kuyovi edi. Ammo O'rozboy ham burchiga sodiq yigit bo'lib, Sanjar akaning gaplariga uchmaydi. Hatto haydovchi Eshtoy ham bunday yukni olib borishga qarshilik qiladi. Biroq Sanjar aka uni ko'ndiradi. Yo'lda Mayor Davron Tangirov haydovchini otib yarador qiladi. Shunda Sanjar aka haydovchini ham, yo'llarini to'smoqchi bo'lgan o'z kuyovini ham o'ldirib, yukni sherigi bilan olib yo'lga tushadi. Mayor Davron Tangirov esa yaralangan holda yo'lda qolib ketadi, chunki u ham Sanjar aka otgan o'qdan yaralangan edi. Endi uning taqdiri qanday kechadi ? Qo'shimcha yordam kuchlari yetib kelarmikan? Sanjar aka va uning sherigi qo‘lga olinarmikan?