OMMAVIY OFERTA

1.1. “ALPHAZET TECHNOLOGIES” MChJ, brendi va xizmati — iTV.uz, yuridik manzili: 100019, O‘zbekiston Respublikasi, Toshkent shahri, Shayxontohur tumani, Labzak massivi, 22-uy yonida joylashgan bo‘lib, “Teleko‘rsatuvlarni tarqatish tarmoqlari xizmatlarini ko‘rsatish” bo‘yicha AA № 0008226-sonli litsenziyaga muvofiq xizmatlar ko‘rsatadi, bundan buyon “Provayder” deb yuritiladi, mazkur ofertani quyida nazarda tutilgan harakatlarni amalga oshirish orqali qabul qiluvchi jismoniy shaxslarga ma’lumotlarni uzatish tarmoqlarida telekommunikatsiya xizmatlarini (televideniye xizmatlari, bundan buyon — “Xizmatlar”) quyidagi shartlarga muvofiq taqdim etadi.

Mazkur Ommaviy oferta va unga ilovalar jismoniy shaxslarga oldindan to‘lov asosida Xizmatlarni ko‘rsatish to‘g‘risidagi Shartnoma hisoblanadi.

Mazkur Ommaviy oferta shartlari, shuningdek, jismoniy shaxslarga oldindan to‘lov asosida Xizmatlarni ko‘rsatish Qoidalari hisoblanadi. Keyingi matnda Shartnoma (bundan buyon — “Mazkur Shartnoma” yoki “Abonent shartnomasi”) va Oferta (bundan buyon — “Mazkur Oferta”) atamalari bir xil ma’noni anglatadi.

Mavjud Xizmatlarning hajmi va ro‘yxati foydalanuvchining geografik joylashuviga qarab farq qilishi mumkin. Provayder O‘zbekiston Respublikasi hududidan tashqarida barcha kontentlardan foydalanish imkoniyatini kafolatlamaydi. O‘zbekiston Respublikasi hududidan tashqarida Abonentlar uchun faqat o‘zbek kontenti va o‘zbek tilidagi bepul telekanallar mavjud. Xizmatlarning narxi va turlari ham foydalanuvchining geografik joylashuviga qarab farq qilishi mumkin.

Provayder mazkur Shartnomani tuzishda Abonentda abonent terminal qurilmalaridan foydalanish uchun zarur ko‘nikmalar mavjudligi prezumpsiyasiga asoslanadi.

Mazkur Ommaviy oferta va unga ilovalar O‘zbekiston Respublikasi Adliya vazirligida 2026-yil 26-yanvarda 3762-son bilan ro‘yxatdan o‘tkazilgan Telekommunikatsiya xizmatlarini ko‘rsatish qoidalari, shuningdek, O‘zbekiston Respublikasining boshqa normativ-huquqiy hujjatlariga muvofiq ishlab chiqilgan.

Xizmatlarni ko‘rsatish natijasida Provayder Abonentning shaxsga doir ma’lumotlaridan foydalanish imkoniyatiga ega bo‘lgan taqdirda, Buyurtmachi O‘zbekiston Respublikasining 2019-yil 2-iyuldagi O‘RQ-547-son “Shaxsga doir ma’lumotlar to‘g‘risida”gi Qonuni, mazkur Qonunning 4-bobi 18-moddasi hamda uni amalga oshirish yuzasidan qabul qilingan boshqa normativ-huquqiy hujjatlarga muvofiq o‘zining shaxsga doir ma’lumotlarini olish, berish va qayta ishlashga rozilik berilganligini kafolatlaydi (bundan buyon — “Shaxsga doir ma’lumotlar to‘g‘risidagi qonunchilik”).

Mazkur Ofertani qabul qilgan qilgan holda, Abonent Shaxsga doir ma’lumotlar to‘g‘risidagi qonunchilikka muvofiq o‘zining shaxsga doir ma’lumotlarini yig‘ish, saqlash, qayta ishlash, berish va ulardan foydalanishga roziligini tasdiqlaydi, shu jumladan, ro‘yxatdan o‘tish shaklida tegishli belgini qo‘yish yoki shaxsga doir ma’lumotlarni qayta ishlashga alohida rozilikni imzolash orqali.

1.2. Mazkur Ommaviy ofertada quyidagi tushunchalardan foydalaniladi:

Abonent — mazkur Ofertani Provayder tomonidan belgilangan muayyan harakatlarni amalga oshirish orqali qabul qiluvchi va aloqa xizmatlaridan faqat shaxsiy maqsadlarda, ulardan tijorat maqsadlarida foydalanish huquqisiz, mazkur maqsadlar uchun ajratilgan noyob autentifikatsiya ma’lumotlaridan foydalangan holda foydalanadigan jismoniy shaxs;

Abonent uskunasi, terminal uskunasi — aloqa liniyalari orqali signallarni uzatish va/yoki qabul qilish uchun mo‘ljallangan, Abonentning xonadonida joylashgan texnik vosita (kompyuter, marshrutizator, router va boshqalar). Shuningdek, tegishli Ruxsat etilgan platformada yoki Qurilma uchun ilovada Internet tarmog‘i orqali Kontentni ko‘rish imkonini beruvchi har qanday texnik qurilma, shu jumladan, lekin ular bilan cheklanmagan holda: elektron hisoblash mashinasi (shaxsiy kompyuter, shu jumladan statsionar kompyuter, noutbuk, netbuk, internet-planshet), uyali/mobil telefon; smartfon; kommunikator (Personal Digital Assistant); o‘yin manipulyatori/pristavkasi, set top box pristavkalari va boshqa shunga o‘xshash qurilmalar; televizion pristavka, Internet tarmog‘iga ulanish funksiyasiga ega televizor (Smart TV), media pleer.

Avtorizatsiya — Provayder serverida Abonent tomonidan kiritilgan autentifikatsiya ma’lumotlarini tahlil qilish jarayoni bo‘lib, uning natijasida Abonentning Xizmatlardan foydalanish yoki Shaxsiy kabinetga kirish huquqi mavjudligi aniqlanadi.

Avtomatik to‘lov (Avtouzaytirish) — Abonentning bank kartasini Shaxsiy kabinetda yoki iTV mobil ilovasida bog‘lash funksiyasi bo‘lib, keyingi Hisob-kitob davri uchun Tarif/Obuna haqini to‘lash maqsadida pul mablag‘larini avtomatik ravishda qabulsiz hisobdan chiqarish imkonini beradi.

Ijara — iTV xizmatida Videokontentni cheklangan muddat davomida ko‘rish imkoniyati. Ijara muddati — foydalanuvchi to‘lovni amalga oshirib, Ijara xizmati doirasida Kontent birligidan foydalanish imkoniyatiga ega bo‘lganidan so‘ng, foydalanuvchi Kontent birligini 30 (o‘ttiz) kun ichida ko‘rishni boshlash va bunday Kontent birligini 48 (qirq sakkiz) soat davomida ko‘p marotaba ko‘rish huquqiga ega bo‘ladi.

Shaxsiy hisobvaraq balansi muayyan vaqtda — Shaxsiy hisobvaraqqa kiritilgan pul mablag‘lari summasi bilan mazkur vaqtgacha Shaxsiy hisobvaraqdan hisobdan chiqarilgan pul mablag‘lari summasi o‘rtasidagi farq.

Shaxsiy hisobvaraqqa pul mablag‘larini kiritish (shaxsiy hisobvaraqni to‘ldirish) — Provayder tomonidan Abonentning hisob-kitob hisobvarag‘iga yoki kassasiga kelib tushgan, to‘lov tafsilotlari bunday to‘lov qaysi Shartnoma asosida amalga oshirilganligini aniq aniqlash imkonini beradigan Abonent to‘lovining hisobga kiritilishi.

Internet — turli jismoniy shaxslar va tashkilotlarga tegishli bo‘lgan ko‘plab kompyuter tarmoqlari va axborot resurslarining global, ixtiyoriy va mustaqil birlashmasi;

Keshbek — Provayder tomonidan Hamkorlik aksiyasi doirasida Abonentning Shaxsiy hisobvarag‘iga tegishli Aksiya qoidalarida belgilangan tartibda, miqdorda va shartlarda hisoblab yoziladigan virtual rag‘batlantiruvchi mukofot. Keshbek Abonent tomonidan avans to‘lovi sifatida kiritilgan pul mablag‘i hisoblanmaydi, naqd pul ko‘rinishida to‘lanishi, Abonentning bank hisobvarag‘iga/kartasiga o‘tkazilishi yoki uchinchi shaxslarga berilishi mumkin emas hamda Abonentda Keshbekdan faqat Provayder Xizmatlari uchun to‘lovni amalga oshirish maqsadida foydalanishdan boshqa talab qilish huquqini yuzaga keltirmaydi.

Kontent — Provayder Huquq egalari bilan tuzilgan litsenziya (sublitsenziya) shartnomalari asosida xizmatlar ko‘rsatish doirasida Abonentga ko‘rish uchun foydalanish imkoniyatini taqdim etadigan audiovizual asarlar, intellektual faoliyatning boshqa natijalari to‘plami. Kontent shaxsiy ko‘rish uchun mo‘ljallangan. Kontent Abonentga obuna moduli yoki alohida Kontent birligini sotib olish/ijaraga olish orqali taqdim etiladi.

Bepul ko‘rish uchun Kontent — Provayder tomonidan Abonentga ko‘rish uchun taklif etiladigan, undan foydalanish uchun Abonentdan haq undirilmaydigan Kontent.

Shaxsiy hisobvaraq — Abonentning avans to‘lovlari hamda mazkur to‘lovlardan Xizmatlar uchun to‘lov sifatida ushlab qolingan (hisobdan chiqarilgan) pul mablag‘lari summalari qayd etiladigan hisobvaraq. Shaxsiy hisobvaraq noyob bo‘lib, Provayder ma’lumotlar bazasida joylashadi, Xizmatlar ko‘rsatiladigan butun davr mobaynida doimiy xususiyatga ega bo‘ladi hamda mablag‘larning kelib tushishi va sarflanishi to‘g‘risidagi ma’lumotlar hisobini aks ettiradi. Shaxsiy hisobvaraq sahifasi Shaxsiy kabinetning funksional imkoniyati hisoblanadi va Xizmatning rasmiy platformasidagi “Shaxsiy kabinet” bo‘limida joylashadi.

Shaxsiy kabinet — Provayder Xizmatining rasmiy platformasidagi web-sahifa bo‘lib, olingan Xizmatlar hajmi va Shaxsiy hisobvaraqning joriy holati to‘g‘risidagi statistik ma’lumotlarni o‘z ichiga oladi. Bunda Shaxsiy kabinetda aks ettiriladigan ma’lumotlar ma’lumotnoma xususiyatiga ega bo‘lib, Provayderning moliyaviy tizimlaridagi ma’lumotlardan farq qilishi mumkin. Bundan tashqari, mazkur sahifada Abonentning muayyan Xizmatlarga obuna bo‘lishi yoki ulardan voz kechishi amalga oshirilishi mumkin.

Xizmatning rasmiy platformasi — Provayder telekommunikatsiya tarmog‘ining axborot resursi bo‘lib, quyidagi veb-manzillarda joylashgan: www.itv.uz, info.itv.uz.

Provayder ofisi — Provayderning Toshkent shahridagi bosh ofisi hamda O‘zbekiston Respublikasi viloyatlaridagi filiallari ofislari.

Telekanallar paketi — tariflash maqsadida guruhlangan teleko‘rsatuvlar (teletranslyatsiyalar) va/yoki boshqa audiovizual, audio xabarlar va materiallar majmui.

Hamkorlar — har qanday Xizmatlarni sifatli ko‘rsatish yoki ilgari surish maqsadida, Provayder bilan tuzilgan shartnomalar asosida Provayder tomonidan jalb qilinadigan shaxslar, shu jumladan Provayderning ish jarayonlariga xizmat ko‘rsatish uchun jalb qilinadigan shaxslar (banklar, to‘lov tizimlari va to‘lov usullari operatorlari hamda boshqalar).

Hamkorlik aksiyasi (Aksiya) — Provayder tomonidan mustaqil ravishda va/yoki Hamkor bilan birgalikda tashkil etiladigan rag‘batlantiruvchi marketing-reklama tadbiri bo‘lib, uning doirasida muayyan harakatlarni amalga oshirgan Abonentga (xususan, Shaxsiy hisobvaraqni to‘ldirish va/yoki Xizmatlar/Tarif uchun muayyan to‘lov usuli yoki to‘lov vositasidan foydalangan holda to‘lovni amalga oshirish) Keshbek yoki boshqa rag‘batlantirish hisoblab yoziladi.

Obuna davri — Provayder Abonentga ushbu davr uchun to‘langan Xizmatlarni ko‘rsatadigan, ya’ni Provayder tomonidan obuna asosida taqdim etiladigan pullik Kontent paketini ko‘rish imkoniyatini beradigan muayyan vaqt davri. Obuna davrining boshlanishi unga to‘lov amalga oshirilgan paytdan hisoblanadi.

Shaxsga doir ma’lumotlar — muayyan Abonentga taalluqli yoki uni identifikatsiya qilish imkonini beradigan elektron, qog‘oz va/yoki boshqa moddiy tashuvchida qayd etilgan axborot. Abonentlar to‘g‘risidagi ma’lumotlarga quyidagilar kiradi: Abonentning familiyasi, ismi, otasining ismi, Abonent manzili yoki abonent uskunasi o‘rnatilgan manzil, taxallus, abonent raqamlari hamda Abonent va uning abonent uskunasini aniq identifikatsiya qilish imkonini beradigan boshqa ma’lumotlar. Bunday ma’lumotlarning ro‘yxati Operator tomonidan tasdiqlanadi va Operatorning veb-saytida joylashtiriladi.

Abonentning shaxsga doir ma’lumotlari Operator tomonidan mazkur Shartnoma amal qiladigan butun davr mobaynida, shuningdek, O‘zbekiston Respublikasi qonunchiligida belgilangan arxivda saqlash muddatlari davomida saqlanadi. Shaxsga doir ma’lumotlarni uchinchi shaxslarga berish faqat qonunchilikda nazarda tutilgan hollarda va tartibda amalga oshiriladi. Abonent Operator nomiga yozma ariza berish orqali shaxsga doir ma’lumotlarni qayta ishlashga bergan roziligini chaqirib olish huquqiga ega. Rozilik chaqirib olingan yoki Shartnomaning amal qilishi tugatilgan taqdirda, Abonentning shaxsga doir ma’lumotlari shaxsga doir ma’lumotlar to‘g‘risidagi qonunchilik talablariga muvofiq yo‘q qilinishi lozim.

Pullik Kontent — Provayder tomonidan Abonentga quyidagi shartlarda ko‘rish uchun taklif etiladigan Kontent: Obuna, Ijara, Sotib olish.

Obuna — Abonent tomonidan (Provayder platformasida buyurtma berilgan taqdirda — Ro‘yxatdan o‘tgan Abonent tomonidan) Abonentga Sotib olish yoki Ijara orqali foydalanish mumkin bo‘lgan Kontentdan tashqari, pullik Kontent paketini hamda telekanallar paketini Obuna davri davomida ko‘rish imkoniyatini taqdim etish Xizmatiga beriladigan buyurtma. Obuna Abonent tomonidan Abonent tanlagan obuna davri uchun Xizmatlar haqini to‘lagan paytdan boshlab amalga oshirilgan (rasmiylashtirilgan) va bajarish uchun qabul qilingan hisoblanadi. Obuna davri mobaynida Abonent tomonidan ko‘rishlar soni hamda Provayder tomonidan obuna asosida taqdim etiladigan pullik Kontent paketidagi ko‘rish uchun mavjud Kontent birliklari soni cheklanmagan.

Sotib olish — iTV xizmatida Provayderning tegishli Videokontentga bo‘lgan huquqlari amal qilish muddati davomida Videokontentni ko‘rish imkoniyati.

Xarid qilish davri – to‘lov amalga oshirilgandan va “Xarid qilish” xizmati doirasida alohida filmga kirish huquqi olingandan so‘ng, Foydalanuvchi filmni ruxsat etilgan oxirgi foydalanuvchi qurilmasida oqimli rejimda ushbu davr mobaynida cheklanmagan miqdorda, shuningdek, mazkur film bo‘yicha litsenziya davri tugagan kundan boshlab ko‘pi bilan 6 (olti) oy davomida qayta-qayta ko‘rish huquqiga ega.

Platforma – Foydalanuvchilarga Servisni taqdim etishni ta’minlovchi Administratorning apparat-dasturiy vositalari va texnologik yechimlari majmui.

Huquq egasi – Kontentdan foydalanish bo‘yicha mutlaq yoki nomutlaq huquqqa ega bo‘lgan hamda Provayder bilan qonuniy asosda Kontentdan foydalanish huquqini Provayderga Xizmatlarni Abonentga ko‘rsatish uchun zarur va yetarli bo‘lgan usullar va hajmda taqdim etish to‘g‘risida litsenziya (sublitsenziya) shartnomasini tuzgan yuridik yoki jismoniy shaxs.

Provayder vakili – ishonchnoma yoki Provayder bilan tuzilgan tegishli shartnoma asosida quyidagilarni amalga oshirishga vakolat berilgan yuridik yoki jismoniy shaxs: telekommunikatsiya xizmatlarini tarqatish va Provayder nomidan xizmatlar ko‘rsatish to‘g‘risidagi Shartnomalarni tuzish; Abonentlarga Provayder xizmatlarini ko‘rsatish (to‘lovlarni qabul qilish va boshqalar).

Qurilma uchun ilova – Provayder yoki uchinchi shaxs boshqaruvida bo‘lgan, Abonentga Internet tarmog‘iga ulanish va Qurilmada Kontentni ko‘rish, shuningdek, Kontentning keyinchalik ko‘rish uchun elektron nusxasini yaratish imkonini beruvchi dastur. Bunda Kontent Birliklarining nusxalari Provayder serverida joylashtiriladi va Kontent Birliklariga texnik kirish ushbu server orqali amalga oshiriladi. Qurilmalar uchun ilovalarga, jumladan, Smart TV, Android va iOS mobil qurilmalari uchun uchinchi shaxslarning ilovalari ham kiradi.

Aksiya qoidalari – muayyan Hamkorlik aksiyasining shartlarini (Aksiyaning nomi va amal qilish muddati, jalb etilgan Hamkor va/yoki to‘lov usuli, Keshbek miqdori va uni hisoblash tartibi, undan foydalanish bo‘yicha cheklovlar va shartlar) belgilovchi, Provayder tomonidan tasdiqlanadigan hamda Xizmatning Rasmiy platformasida va/yoki Qurilma uchun ilovada joylashtiriladigan hujjat. Aksiya qoidalari tegishli Aksiya amal qiladigan davr mobaynida mazkur Ofertaga rasmiy ilova hisoblanadi va unda ishtirok etgan Abonent uchun majburiydir.

Hisob-kitob davri – boshlanish sanasi Shartnomaga muvofiq belgilanadigan Abonent to‘lovini oylik yechib olishning Individual sanasi bo‘lgan davr bo‘lib, uning davomiyligi mazkur sana to‘g‘ri keladigan oydagi kalendar kunlar soniga teng.

Ro‘yxatdan o‘tish blankasi – Abonent mazkur Shartnomaga qo‘shiladigan va shaxsiy ma’lumotlarni qayta ishlashga rozilik beradigan, Abonent to‘g‘risidagi ma’lumotlar, Abonent raqami haqidagi ma’lumotlar hamda qo‘shilish paytidagi boshqa ma’lumotlarni o‘z ichiga olgan, imzolash orqali rasmiylashtiriladigan blank (1-ilova).

Shaxsiy hisobvaraqdan mablag‘larni yechib olish – Provayder tomonidan Shaxsiy hisobvaraq balansining Abonentga ko‘rsatilgan xizmatlar qiymatiga kamaytirilishi.

Tarif – tegishli Xizmatning o‘ziga xos xususiyatlaridan kelib chiqib belgilangan, undan ma’lum bir davr mobaynida foydalanish uchun muayyan Xizmatning qiymati.

Tarif rejasi – Provayder tomonidan Abonentga Xizmat ko‘rsatishda oldindan belgilangan shartlar va tariflar majmui.

Telekanallar – foydalanuvchilarga striming servisi interfeysi orqali Internet tarmog‘i yordamida taqdim etiladigan audiovizual translyatsiyalar. Bunday translyatsiyalar real vaqt rejimida (chiziqli efir) amalga oshiriladi hamda huquq egasining litsenziyasi yoki shartnomaviy kelishuvlar asosida taqdim etiladigan milliy va xalqaro telekanallarni o‘z ichiga olishi mumkin.

Xizmatlar yoki Xizmat – Provayder tomonidan rasman tasdiqlangan va amaldagi tariflar hamda xizmatlar preyskuranti asosida taqdim etiladigan xizmatlar ro‘yxati yoki alohida ko‘rsatiladigan xizmat.

2.1. Provayder Abonentga telekommunikatsiya tarmoqlarida xizmatlar, ya’ni ma’lumotlarni uzatish tarmoqlari (IP protokoli) orqali televizion signalni uzatish xizmatini ko‘rsatadi, bu Abonentga tarifda nazarda tutilgan telekanallarni abonent uskunasida ko‘rish imkonini beradi. Shuningdek, Provayder Abonentga bepul Kontentni haq undirmagan holda ko‘rish imkoniyatini, Pullik Kontentni esa Abonent tomonidan Tarif rejasini xarid qilish, alohida Kontent birliklarini Ijaraga olish yoki Xarid qilish shartlari asosida taqdim etadi.

2.2. Provayder Abonentga telekommunikatsiyalar sohasida xizmatlar ko‘rsatadi, ya’ni abonent liniyasining ulanish nuqtasigacha internet-televideniye signalini yetkazib berishni hamda mazkur Shartnoma shartlarida nazarda tutilgan telekanallar va Kontent paketidan foydalanish imkoniyatini ta’minlaydi (keyingi o‘rinlarda — Xizmatlar). Abonent, o‘z navbatida, ko‘rsatilgan Xizmatlar uchun Shartnomada belgilangan tartib va shartlarda haq to‘lash majburiyatini oladi.

2.3. Provayder Abonentga Xizmatlarni ko‘rsatish uchun uchinchi shaxslarni jalb qilish huquqiga ega.

2.4. Mazkur Oferta shartlari asosida Xizmatlar ko‘rsatiladigan davr mobaynida, agar Provayder Xizmatlarni ko‘rsatish uchun zarur bo‘lgan Abonent uskunasini soz holatda vaqtincha bepul foydalanish uchun Abonentga topshirgan bo‘lsa, mazkur Shartnoma bekor qilingan taqdirda, Abonent uskunani tabiiy eskirishni hisobga olgan holda, uni qabul qilib olgan holatda Provayderga qaytaradi.

2.4.1. Abonent Provayderga tegishli Abonent uskunasidan ehtiyotkorlik bilan va belgilangan maqsadiga muvofiq, faqat mazkur Shartnomani bajarish maqsadida foydalanishi, uning saqlanishini ta’minlashi, uni uchinchi shaxslarga bermasligi hamda Provayder bilan kelishmasdan boshqa manzilga ko‘chirmasligi shart.

2.4.2. Shartnoma bekor qilinganidan so‘ng, Abonent uskunani uning bekor qilinishiga sabab bo‘lgan holatlardan qat’i nazar, 3 (uch) kun ichida ishchi holatda va to‘liq komplektatsiyada Provayder ofisiga yetkazib berishi shart.

2.4.3. Abonent uskunasining Provayder tomonidan Abonentga topshirilishi va Abonent tomonidan Provayderga qaytarilishi Uskunani qabul qilish-topshirish dalolatnomasi (keyingi o‘rinlarda — «Dalolatnoma») bilan rasmiylashtiriladi. Dalolatnomada uskuna topshirish/qaytarish paytidagi holati ko‘rsatiladi. Dalolatnoma mazkur Shartnomaning ajralmas qismi hisoblanadi.

2.5. Provayder Xizmatlari Abonentning shaxsiy foydalanishi uchun taqdim etiladi. Abonent teleko‘rsatuvlar yozuvlarini tarqatmaslik, platformada taqdim etilgan Kontentni yozib olmaslik va tarqatmaslik, ularni qayta translyatsiya qilmaslik hamda Provayder uskunasidan foyda olish maqsadida foydalanmaslik majburiyatini oladi.

2.6. Agar Abonent Provayder Xizmatlari bilan mos keladigan va ulardan to‘laqonli foydalanish imkonini beradigan o‘zining oxirgi uskunasidan foydalansa, mazkur Oferta 2.4-bandining qoidalari qo‘llanilmaydi.

2.7. Provayder ko‘rsatilayotgan Xizmatlarning sifati uchun faqat o‘zining Javobgarlik chegarasi doirasida javobgar bo‘ladi. Provayder Abonent binosi ichida yotqizilgan Abonent liniyasining ishlash sifati, shuningdek, Abonent tomonidan uchinchi shaxslardan xarid qilingan shaxsiy Abonent uskunalarining (smartfonlar, televizorlar, routerlar) ishga yaroqliligi va mosligi uchun javobgar emas.

3.1. Abonent va Provayder o‘rtasida Xizmatlar ko‘rsatish to‘g‘risidagi Shartnoma mazkur Ommaviy oferta shartlari asosida tuziladi.

(Shartnoma tuzishga rozilik) deb quyidagilar e’tirof etiladi:

- masofadan turib onlayn ro‘yxatdan o‘tgan jismoniy shaxslar uchun — Provayder platformasida (ilovada, platformada yoki Smart TV orqali) ro‘yxatdan o‘tish jarayonidan o‘tganlik fakti;

- Provayder ofislari yoki Vakolatli ofislar orqali ulanadigan jismoniy shaxslar uchun — mazkur Oferta shartlariga yozma rozilikni imzolash fakti.

Shartnoma Provayder tomonidan qabul qilgan olingan va Abonent axborot-billing tizimida ro‘yxatdan o‘tkazilgan paytdan boshlab tuzilgan hisoblanadi.

3.2. Abonent tomonidan imzolash mazkur Ommaviy oferta shartlari hamda Ommaviy ofertaning ajralmas qismini tashkil etuvchi barcha Ilovalarni Abonent tomonidan to‘liq va hech qanday shartlarsiz qabul qilish hisoblanadi (O‘zbekiston Respublikasi Fuqarolik kodeksining 370-moddasi).

3.3. Abonent tomonidan Xizmatdan foydalanishning amaldagi boshlanish sanasi Provayder tarmog‘ida o‘rnatilgan ulanishlarni dasturiy nazorat qilish yoki qiymatni hisobga olish (billing) qurilmalari ma’lumotlari asosida Provayder tomonidan belgilanadi. Abonentga Xizmatlar taqdim etilganligi fakti Provayderning qiymatni hisobga olish (billing) qurilmalari ma’lumotlari bilan tasdiqlanadi.

3.4. Ma’lumotlarni uzatish tarmoqlari (IP protokoli) orqali internet-televideniye signalini uzatish xizmatiga ulanish va Shartnoma amal qilishi davrida foydalanilayotgan bino yoki qurilmalar uchun javobgarlik to‘liq Abonent zimmasiga yuklanadi.

3.5. Abonentning Xizmatga ulanish vaqti (Xizmat ko‘rsatishning boshlanish vaqti) Abonentning birinchi muvaffaqiyatli Avtorizatsiyasidan boshlab hisoblanadi. Avtorizatsiya muvaffaqiyatsiz amalga oshirilgan taqdirda, Abonent bu haqda Provayderni yozma ravishda xabardor qilishi shart.

3.6. Abonentni Xizmatga ulash muddati Shartnoma tuzilgan kundan boshlab 10 (o‘n) ish kunidan oshmasligi kerak.

3.7. Abonentni identifikatsiya qilish, Xizmatlar va Shaxsiy kabinetga kirish Abonentning shaxsiy Autentifikatsiya ma’lumotlaridan foydalangan holda amalga oshiriladi.

3.8. Provayder aloqa xizmatlarini ko‘rsatish to‘g‘risida Shartnoma tuzishni quyidagi hollarda rad etish huquqiga ega:

1\) Provayder tarmog‘iga kirishni ta’minlash uchun texnik imkoniyat mavjud bo‘lmaganda;

2\) Abonent tomonidan so‘ralgan Tarmoq xizmatlarini ko‘rsatish uchun texnik imkoniyat mavjud bo‘lmaganda;

3\) Provayderda Abonent uskunasi boshqa Abonent tomonidan yo‘qotilganligi yoki O‘zbekiston Respublikasi qonunchiligiga muvofiq sertifikatlanmaganligi to‘g‘risida ma’lumotlar mavjud bo‘lganda;

4\) Provayderda potensial Abonentning ilgari Provayder tomonidan ko‘rsatilgan xizmatlar bo‘yicha qarzdorligi to‘g‘risida ma’lumotlar mavjud bo‘lganda;

5\) O‘zbekiston Respublikasi qonunchiligida nazarda tutilgan amaldagi pasport yoki fuqarolikni tasdiqlovchi boshqa hujjat mavjud bo‘lmaganda.

3.9. Abonentni Xizmatga ulashni ta’minlash bo‘yicha ishlar, agar Abonent Xizmatga ulangan paytdan boshlab 5 (besh) ish kuni ichida Xizmatdan voz kechganligi to‘g‘risida Provayderni yozma ravishda xabardor qilmagan bo‘lsa, Provayder tomonidan lozim darajada bajarilgan va Abonent tomonidan qabul qilingan deb hisoblanadi.

3.10. Abonentning Kontentdan foydalanish imkoniyatiga ega bo‘lishi uchun Abonent Provayder platformasida yoki Qurilma uchun ilovada ro‘yxatdan o‘tishi zarur.

3.11. Provayder tomonidan Abonentga Pullik Kontentdan (Obuna, Ijara, Xarid shartlari asosida) foydalanish imkoniyatini taqdim etish Xizmatning Abonent tomonidan to‘liq hajmda oldindan to‘langanidan keyingina amalga oshiriladi.

3.12. Provayder xodimlariga xizmat vazifalarini bajarishi munosabati bilan ma’lum bo‘lgan Abonentlar to‘g‘risidagi ma’lumotlar maxfiy axborot hisoblanadi va O‘zbekiston Respublikasi qonunchiligiga muvofiq himoya qilinishi lozim. Abonentlar to‘g‘risidagi ma’lumotlarga quyidagilar kiradi:

- Abonent-jismoniy shaxsning familiyasi, ismi, otasining ismi;

- Abonentning manzili yoki abonent uskunasi o‘rnatilgan manzil, taxallus, abonent raqamlari hamda Abonent va uning abonent uskunasini bir ma’noda identifikatsiya qilish imkonini beruvchi boshqa ma’lumotlar.

3.12.1. Qayta ishlanishi lozim bo‘lgan bunday ma’lumotlarning to‘liq ro‘yxati Provayder tomonidan tasdiqlanadi va Abonent tanishib chiqishi uchun Xizmatning Rasmiy platformasida (www.itv.uz, info.itv.uz) mavjud bo‘ladi, shuningdek, yozma so‘rov asosida Abonentga taqdim etilishi mumkin.

3.13. Provayder Xizmatlaridan foydalanish imkoniyatiga ega bo‘lish uchun Abonentni ro‘yxatdan o‘tkazish O‘zbekiston Respublikasining amaldagi abonent raqami mavjud bo‘lgan taqdirda yoki elektron pochta manzili orqali amalga oshirilishi mumkin. Ro‘yxatdan o‘tish usuli Abonent tomonidan Provayder platformasida ro‘yxatdan o‘tish jarayonidan o‘tish vaqtida tanlanadi.

4.1. Abonent quyidagilarga majbur:

4.1.1. Mazkur Shartnoma shartlariga rioya qilish;

4.1.2. Xizmatlarga iTV pristavkasi (iTV Box) orqali ulanish amalga oshirilgan taqdirda, Abonent ma’lumotlarini (F.I.Sh., doimiy yoki vaqtincha yashash joyi, pasport (ID-karta) seriyasi, raqami va JShShIR) identifikatsiya qilish maqsadida Abonent Provayder xodimiga o‘zining amaldagi pasportini shaxsan taqdim etishi shart.

Yuqorida ko‘rsatilgan ma’lumotlar o‘zgargan taqdirda, Abonent Provayderni shaxsan xabardor qilishi va o‘zgarishlar kuchga kirgan kundan boshlab 30 (o‘ttiz) kalendar kuni ichida yangilangan ma’lumotlarni taqdim etishi shart.

4.1.3. Xizmatlardan foydalanishni boshlashdan oldin amaldagi Xizmatlar ro‘yxati, Xizmatlardan foydalanish tartibi, tarif rejalari, Xizmatlar tariflari va boshqa tegishli ma’lumotlar bilan tanishish;

4.1.4. Zarur avans to‘lovlarini o‘z vaqtida amalga oshirish orqali Shaxsiy hisobvaraqning ijobiy balansini saqlab turish;

4.1.5. Abonent uskunasidan ishlab chiqaruvchining amaldagi foydalanish yo‘riqnomasiga muvofiq foydalanish, shuningdek, berilayotgan signalga boshqa shaxslarga tegishli televizion qabul qiluvchi qurilmalarning ulanishiga yo‘l qo‘ymaslik;

4.1.6. Uskunadan foydalanish qoidalariga rioya qilish, uni tegishli holatda saqlash, joriy texnik xizmat ko‘rsatish va mayda ta’mirlash ishlarini o‘z hisobidan amalga oshirish, shuningdek, Abonentning aybi bilan uskunaga yetkazilgan zararni Provayderga qoplash. Abonentga vaqtincha bepul foydalanish uchun taqdim etilgan uskunaning kapital ta’miri Provayder hisobidan amalga oshiriladi, bundan bunday ta’mirlash zarurati Abonentning aybli harakatlari yoki harakatsizligi natijasida yuzaga kelgan holatlar mustasno.

4.1.7. Yuzaga kelgan nosozliklar haqida Provayderni o‘z vaqtida xabardor qilish;

4.1.8. Abonentning arizasiga ko‘ra ta’mirlash ishlarini amalga oshirish va Abonent tomonidan mazkur Shartnoma shartlariga rioya etilishini tekshirish uchun Provayder vakillarini, ularda fotosurati va muhri mavjud bo‘lgan, amal qilish muddati tugamagan nomiga rasmiylashtirilgan guvohnoma bo‘lgan taqdirda, uskuna joylashgan joyga va uskunaning o‘ziga kiritish;

4.1.9. Abonent Xizmatlardan foydalanish uchun to‘liq javobgarlikni o‘z zimmasiga oladi. Shartnoma bo‘yicha Xizmatlardan har qanday tijorat maqsadida foydalanishga yo‘l qo‘yilmaydi. Tomonlar mazkur Shartnoma bo‘yicha taqdim etiladigan Xizmatlardan foydalanish shaxsiy xususiyatga ega ekanligini alohida kelishib oldilar;

4.1.10. Taqdim etilayotgan Xizmatlar to‘g‘risidagi ma’lumotlarning rasmiy platformada o‘zgargan-o‘zgarmaganligini vaqti-vaqti bilan tekshirib turish;

4.1.11. Xizmatlardan g‘ayriqonuniy maqsadlarda foydalanmaslik, shuningdek, Provayderga va/yoki u bilan bog‘liq uchinchi shaxslarga zarar yetkazuvchi harakatlarni amalga oshirmaslik, shu jumladan, o‘zining Abonent qurilmasidan dasturiy ta’minotni tarqatmaslik va uning tarqatilishiga ko‘maklashmaslik, IP-manzillarni soxtalashtirmaslik, Provayder tarmog‘i, Provayderning uskunalari, dasturiy ta’minoti va/yoki u bilan bog‘liq uchinchi shaxslarning normal ishlashiga to‘sqinlik qiluvchi harakatlarni amalga oshirmaslik, axborot texnologiyalari sohasida noqonuniy va/yoki g‘ayriqonuniy harakatlarni, xususan, Provayder tarmog‘idagi resurslar va xizmatlardan ruxsatsiz foydalanish hamda ulardan noqonuniy foydalanishni amalga oshirmaslik;

4.1.12. Abonent qurilmasidan O‘zbekiston Respublikasining amaldagi qonunchiligi talablarini, Provayderning huquq va manfaatlarini buzuvchi g‘ayriqonuniy maqsadlarda, shu jumladan Provayderga imijiy, moliyaviy yoki boshqa zarar yetkazishga olib keladigan maqsadlarda foydalanmaslik. Abonent Provayder tomonidan ko‘rsatiladigan Xizmatlar litsenziyalanadigan faoliyat turi ekanligini tan oladi va ularni ko‘rsatish tartibining buzilishi Abonent qurilmasining ishlash qobiliyatiga putur yetkazishiga yoki Provayderga zarar yetkazishiga olib kelgan taqdirda, Abonent belgilangan javobgarlikni o‘z zimmasiga oladi hamda Provayderga yetkazilgan zararni to‘liq qoplaydi;

4.1.13. Axborot resurslarini himoya qilishni ta’minlash, konstitutsiyaviy tuzumni zo‘ravonlik yo‘li bilan o‘zgartirishga chaqiriqlarni, urush, zo‘ravonlik va pornografiyani targ‘ib qiluvchi, diniy va milliy adovatni qo‘zg‘atuvchi, insonning sha’ni va qadr-qimmatini kamsituvchi hamda O‘zbekiston Respublikasining amaldagi qonunchiligiga muvofiq tarqatilishi taqiqlangan boshqa axborotlarning tarqatilishiga yo‘l qo‘ymaslikka qaratilgan tegishli tashkiliy va texnik choralarni ko‘rish;

4.1.14. Abonent O‘zbekiston Respublikasi qonunchiligiga muvofiq boshqa majburiyatlarga ham ega bo‘lishi mumkin.

4.2. Abonent quyidagi huquqlarga ega:

4.2.1. Ko‘rsatilayotgan xizmatlardan foydalanish bilan bog‘liq savollar yuzaga kelganda, Provayderning maslahat va texnik ko‘magidan foydalanish;

4.2.2. Mazkur Oferta bilan belgilangan tartibda e’tirozlar bildirish;

4.2.3. Provayder tomonidan belgilangan tartibda, uning texnik imkoniyatlarini hisobga olgan holda, Tarif/tarif rejasini, ko‘rsatiladigan Xizmatlar turlarini o‘zgartirish;

4.2.4. Shaxsiy kabinet orqali (Shaxsiy kabinetdan foydalanish imkoniyati nazarda tutilgan Xizmatlar turlariga nisbatan) va/yoki Provayderdan iste’mol qilingan Xizmatlar hajmi, shuningdek, to‘lovlar, hisobdan chiqarishlar tarixi va Shaxsiy hisobvaraqdagi mablag‘lar qoldig‘i to‘g‘risida batafsil ma’lumot olish;

4.2.5. Abonent O‘zbekiston Respublikasi qonunchiligida nazarda tutilgan boshqa huquqlarga ham ega bo‘lishi mumkin.

4.3. Provayder quyidagilarga majbur:

4.3.1. O‘zbekiston Respublikasining amaldagi normativ-huquqiy hujjatlari talablarini hisobga olgan holda, Abonentga mazkur Shartnomada bayon etilgan shartlarga muvofiq Xizmatlarni taqdim etish.

4.3.2. Abonentning avans to‘lovlarini o‘z Shaxsiy hisobvarag‘iga o‘z vaqtida kiritib borish.

4.3.3. Abonentga texnik qo‘llab-quvvatlash xizmatining qisqa raqami (CALL-markaz) orqali +998 71 202 42 02 raqamiga sutka davomida telefon orqali maslahat olish imkoniyatini taqdim etish. Texnik nosozliklarni bartaraf etish bo‘yicha arizalar sutka davomida qabul qilinadi va Provayder tomonidan belgilanadigan hamda Xizmatning Rasmiy platformasida e’lon qilinadigan SITP ish vaqtida 72 soat ichida bajariladi.

4.3.4. Abonentga Shartnoma amal qiladigan davr mobaynida Shaxsiy kabinetdan foydalanish imkoniyatini taqdim etish.

4.3.5. Abonentning Xizmatdan foydalanish tartibi va u tomonidan tuzilgan Shartnomaning boshqa shartlariga oid ma’lumotlarning maxfiyligini ta’minlash uchun umumiy qabul qilingan texnik va tashkiliy choralarni ko‘rish.

4.3.6. Provayderning xizmat ko‘rsatish hududi doirasida Abonentga Xizmatlarni taqdim etish.

4.3.7. Abonentga Xizmatlarni ko‘rsatish jarayonida aniqlangan Xizmatlardagi kamchiliklarni bartaraf etish choralarini ko‘rish.

4.3.8. Abonentning shaxsiy ma’lumotlarini himoya qilish bo‘yicha zarur tashkiliy choralarni ko‘rish hamda Abonent haqidagi ma’lumotlarning maxfiyligini ta’minlash bo‘yicha qonunchilikda belgilangan boshqa talablarga rioya qilish.

4.3.9. Tariflar va xizmatlar Preyskurantidagi o‘zgarishlar, shuningdek, mazkur Oferta shartlaridagi o‘zgarishlar haqida Abonentni o‘zgarishlar kuchga kirishidan kamida 10 (o‘n) kalendar kun oldin Xizmatning Rasmiy platformasida (www.itv.uz) va/yoki Ilovada rasmiy ma’lumotni joylashtirish orqali xabardor qilish.

4.3.10. Abonentlarga xizmat ko‘rsatish, Xizmatlarni taqdim etish shartlari va ularning qiymati o‘zgarishi bilan bog‘liq rasmiy xabarlarni, shuningdek, boshqa zarur ma’lumotlarni o‘zining rasmiy veb-sayti va platformasida e’lon qilish.

4.3.11. Rejali texnologik ishlar o‘tkazilishi haqida Abonentni ishlarning boshlanish sanasi va vaqti hamda davomiyligini ko‘rsatgan holda, ular boshlanishidan kamida 24 (yigirma to‘rt) soat oldin Provayder platformasida xabardor qilish.

4.3.12. Abonentning nosozliklarni bartaraf etish bo‘yicha arizalarini telefon orqali va Provayder ofisida qabul qilish hamda fors-major holatlari bunga to‘sqinlik qilmagan taqdirda, kelib tushgan arizalarni ular qabul qilingan paytdan boshlab 72 soat ichida bajarish.

4.4. Provayder quyidagi huquqlarga ega:

4.4.1. Provayder Oferta shartlarini bir tomonlama tartibda o‘zgartirish, yangi Tarif rejalarini joriy etish, Xizmatlar qiymatini o‘zgartirish huquqiga ega. Bunda Abonent o‘zgarishlar kuchga kirish sanasidan kamida 10 (o‘n) kalendar kun oldin Xizmatning Rasmiy platformasida e’lon joylashtirish orqali xabardor qilinadi. Belgilangan muddat tugaganidan so‘ng Xizmatlardan foydalanishni davom ettirish Abonentning yangi shartlarni to‘liq va hech qanday e’tirozlarsiz qabul qilganligini anglatadi.

- Rasmiy veb-sayt va Xizmat platformasida e’lon joylashtirilganligi Provayder tomonidan Abonentni xabardor qilish bo‘yicha majburiyatning lozim darajada bajarilganligini so‘zsiz tasdiqlaydi.

- Abonent Rasmiy veb-sayt va Xizmat platformasida o‘zgarishlar mavjudligini muntazam ravishda tekshirish uchun javobgardir. Oferta va uning Ilovalaridagi amaldagi qoidalarga o‘zgartirishlar kiritilganligi to‘g‘risida xabardor qilinganidan keyin 15 (o‘n besh) kalendar kun o‘tgach Xizmatlardan foydalanishni davom ettirish ushbu o‘zgarishlarga so‘zsiz rozilik sifatida qaraladi.

4.4.2. Provayder quyidagi hollarda Abonent haqidagi ma’lumotlarni tegishli korxonalar (huquqni muhofaza qiluvchi organlar), muassasalar yoki tashkilotlarga taqdim etish huquqiga ega:

- Abonentni Xizmatlarga ulashni va/yoki keyinchalik Abonentga texnik xizmat ko‘rsatishni pudratchi tashkilotlar yordamida tashkil etishda;

- Abonentning domen nomlarini ro‘yxatdan o‘tkazishda;

- mazkur Oferta 1.1-bandining 6-xatboshisida nazarda tutilgan shaxsiy ma’lumotlarni qayta ishlashda;

- to‘lovlarni amalga oshirish bilan bog‘liq ma’lumotlarni qayta ishlashda;

O‘zbekiston Respublikasining «Shaxsiy ma’lumotlar to‘g‘risida»gi Qonuniga muvofiq.

4.4.3. Abonent tegishli obuna davri (oylik, yillik yoki Tarifda nazarda tutilgan boshqa davr) uchun to‘liq oldindan to‘lovni amalga oshirgunga qadar pullik Xizmatlardan foydalanish imkoniyatini taqdim etishni rad etish.

4.4.4. Taqdim etilgan hujjatlarda noto‘g‘ri ma’lumotlar (masalan, F.I.O., pasport ma’lumotlari, aloqa ma’lumotlari va boshqalar) mavjud bo‘lgan taqdirda, Abonentga Xizmat taqdim etishni bir tomonlama tartibda rad etish.

4.4.5. Xizmatni ko‘rsatishga to‘sqinlik qiluvchi texnik cheklovlar yoki holatlar (jumladan, nosozliklar, blokirovkalar, fors-major holatlari, huquqiy cheklovlar) mavjud bo‘lgan taqdirda, Abonentni lozim darajada xabardor qilgan holda, Abonentga Xizmat taqdim etishni rad etish.

4.4.6. Quyidagi hollarda Abonentning Xizmatdan foydalanish imkoniyatini vaqtincha cheklash yoki to‘xtatib turish:

profilaktika yoki texnik ishlarni amalga oshirish;

platformaning ishlashini ta’minlash uchun zarur bo‘lgan boshqa harakatlarni amalga oshirish.

Bunda Abonent Shartnoma shartlariga muvofiq Xizmat uchun to‘lovni amalga oshirish majburiyatidan ozod etilmaydi.

4.4.7. Quyidagi hollarda Abonentga Xizmat ko‘rsatishni to‘xtatish va Shartnomani bir tomonlama tartibda bekor qilish:

mazkur Ommaviy oferta va/yoki uning Ilovalari shartlarini buzish;

xizmatning ishlashiga to‘sqinlik qiluvchi harakatlarni amalga oshirish (jumladan, firibgarlik (frod), tizimni buzishga urinishlar, akkauntdan ruxsatsiz foydalanish, foydalanish imkoniyatini ommaviy ravishda tarqatish);

Xizmatdan qonunga xilof maqsadlarda foydalanish;

O‘zbekiston Respublikasi qonunchiligini buzish.

4.4.8. Mazkur Oferta 4.4.7-bandida nazarda tutilgan asoslarga ko‘ra Shartnoma bekor qilingan taqdirda, Provayder Abonentning Shaxsiy hisobvarag‘ida qolgan mablag‘lardan amalda ko‘rilgan zarar va/yoki amaldagi O‘zbekiston Respublikasi qonunchiligi va/yoki mazkur Shartnomaga muvofiq belgilanadigan neustoyka summasini ushlab qolish huquqiga ega. Bunday ushlab qolishdan keyin qolgan mablag‘lar, qonunchilikda bevosita nazarda tutilgan hollar bundan mustasno, Shartnoma bekor qilingan sanadan boshlab 10 (o‘n) ish kuni ichida Abonentga qaytarilishi lozim.

4.4.8.1. Abonent mazkur Oferta 4.4.7-bandida ko‘rsatilgan shartlarni buzgan va bu Provayder tomonidan Shartnomaning bir tomonlama tartibda bekor qilinishiga olib kelgan taqdirda, Abonent har bir bunday buzilish uchun Provayderga 50 000 (ellik ming) so‘m miqdorida neustoyka (jarima) to‘lashi shart.

4.4.8.2. Neustoykani to‘lash Abonentni bunday buzilishlar natijasida Provayderga yetkazilgan, neustoyka bilan qoplanmagan qismdagi zararni O‘zbekiston Respublikasi qonunchiligiga muvofiq qoplash majburiyatidan ozod etmaydi.

4.4.9. O‘zbekiston Respublikasining amaldagi qonunchiligiga zid bo‘lgan, shu jumladan mualliflik yoki turdosh huquqlarni buzuvchi kontentni, tarqatilishi taqiqlangan kontentni o‘z ichiga olgan har qanday axborotni joylashtirish yoki uzatishni rad etish.

4.4.10. Abonentning Xizmatlar uchun to‘lov bo‘yicha qarzdorligi aniqlangan taqdirda, Xizmatlarni, shu jumladan telekanallar va videokontentdan foydalanish imkoniyatini cheklash yoki Shartnomani bekor qilish.

4.4.11. Platformaga ulanishning texnik yoki tashkiliy jihatdan imkoni bo‘lmagan taqdirda, shu jumladan uskunani o‘rnatish/sozlash imkoni bo‘lmagan hollarda (agar bu talab etilsa), Xizmatni taqdim etishni rad etish.

4.4.12. Shartnoma shartlarining buzilishi, shu jumladan Xizmatlardan noqonuniy foydalanish, foydalanish tizimiga aralashish, akkauntni buzish, uchinchi shaxslarga foydalanish imkoniyatini tarqatish va shu kabi harakatlar natijasida Provayderga yetkazilgan zararni Abonentdan qoplashni talab qilish.

4.4.13. Rejali texnik ishlarni, uskunalarni va dasturiy yechimlarni modernizatsiya qilishni, raqamli platformani yangilashni, shu jumladan chiziqli telekanallar translyatsiyasi va VOD-kontent taqdim etilishi bilan bog‘liq ishlarni amalga oshirish. Mazkur ishlar davomida Xizmatdan foydalanish imkoniyati vaqtincha cheklanishi mumkin.

4.4.14. O‘zbekiston Respublikasi qonunchiligida va mazkur Oferta shartlarida nazarda tutilgan boshqa huquqlardan foydalanish.

4.4.15. Provayder mustaqil ravishda va/yoki Hamkorlar bilan birgalikda Hamkorlik aksiyalarini tashkil etish, o‘tkazish, o‘zgartirish va muddatidan oldin tugatish huquqiga ega, shu jumladan Shaxsiy hisobvaraqni to‘ldirish va/yoki Xizmatlar uchun muayyan to‘lov usuli, muayyan hamkor bankning bank kartasi yoki boshqa to‘lov vositasidan foydalangan holda to‘lovni amalga oshirish uchun Keshbek hisoblash bilan bog‘liq aksiyalarni. Har bir muayyan Hamkorlik aksiyasining shartlari Provayder tomonidan Xizmatning Rasmiy platformasida e’lon qilinadigan tegishli Aksiya qoidalari bilan belgilanadi. Hamkorlik aksiyalarini o‘tkazish tartibi mazkur Oferta 6.13-bandida belgilangan.

4.4.16. Quyidagi holatlar aniqlangan taqdirda, Provayder Xizmatlarni ko‘rsatishni zudlik bilan to‘xtatib turish yoki to‘liq to‘xtatish, shuningdek, oldindan xabardor qilmasdan Shartnomani bir tomonlama tartibda bekor qilish huquqiga ega:

- Abonent tomonidan Kontentga ruxsatsiz kirish, buzib kirish, qayta translyatsiya qilish, tijorat maqsadida qayta sotish yoki Kontentni ommaviy namoyish etishga qaratilgan harakatlar amalga oshirilishi;

- Abonent uskunasi yoki liniyasidan GSM-shlyuzlar, IP-telefoniya tashkil etish, IP-manzillarni soxtalashtirish, spam, viruslarni tarqatish yoki axborot texnologiyalari sohasida boshqa qonunga xilof harakatlarni amalga oshirish (frod) uchun foydalanish;

- Xizmatlardan davlat xavfsizligi va jamoat tartibiga tahdid soluvchi maqsadlarda foydalanish, shuningdek, O‘zbekiston Respublikasi qonunchiligida tarqatilishi taqiqlangan axborotni tarqatish.

4.4.17. Mazkur Oferta 4.4.16-bandida ko‘rsatilgan asoslarga ko‘ra Shartnoma bekor qilingan taqdirda, Provayder Abonentning Shaxsiy hisobvarag‘idan mablag‘lar qoldig‘i miqdorida neustoyka (jarima) ushlab qolish hamda Provayderga yetkazilgan zarar va imijga yetkazilgan zararni to‘liq qoplashni talab qilish huquqiga ega.

5.1. Provayder Abonentga Shartnomada yoki Rasmiy veb-sayt/platformada ko‘rsatilgan ATQX telefon raqamlari orqali (ular o‘zgartirilgan taqdirda — yangilangan raqamlar orqali) telefon orqali maslahat olish imkoniyatini taqdim etish majburiyatini oladi.

5.2. Provayder Abonentdan kelib tushgan texnik nosozliklarni bartaraf etish bo‘yicha arizalarni ariza kelib tushgan paytdan boshlab 72 soat ichida (ATQXning ish vaqtida), bunga fors-major holatlari to‘sqinlik qilmagan taqdirda, bajarish majburiyatini oladi.

Foydalanuvchi Ilovaning to‘g‘ri ishlashi va Xizmatlardan foydalanish uchun zarur bo‘lgan texnik talablarga o‘z qurilmasi va dasturiy ta’minotining muvofiqligini mustaqil ravishda ta’minlaydi.

Provayder texnik tavsiyalar berish huquqiga ega, biroq Ilovaning barcha turdagi qurilmalar va konfiguratsiyalarda ishlashini kafolatlamaydi.

5.2.1. Provayderning magistral tarmoqlarida texnik nosozliklar yuzaga kelgan taqdirda, ATQXda ariza ro‘yxatdan o‘tkazilgan paytdan boshlab Xizmatlardan foydalanish imkoniyatini tiklash O‘zDSt 3205:2020 talablari asosida, fors-major holatlari bundan mustasno, 10 (o‘n) ish soatidan oshmaydigan muddatlarda amalga oshiriladi.

5.2.2. Abonentning aybi bilan yuzaga kelgan nosozliklarni (xonadon ichidagi kabelning shikastlanishi, router/TV qabul qilgich sozlamalarining buzilishi, qurilmalarning virus bilan zararlanishi) bartaraf etish bo‘yicha ishlar, shuningdek, xonadon ichidagi Abonent liniyasiga xizmat ko‘rsatish uchun mutaxassisning tashrifi Provayderning tasdiqlangan qo‘shimcha xizmatlar Preyskurantiga muvofiq alohida haq evaziga amalga oshiriladi.

5.3. Provayder Abonentga Xizmatdan foydalanish bo‘yicha ma’lumot berish va maslahat berish majburiyatini oladi, biroq Abonentning Provayder tomonidan taqdim etilgan ma’lumot va maslahatga muvofiq bo‘lmagan harakatlari uchun javobgar emas.

5.4. Provayder mazkur Shartnomani tuzishda Abonentning abonent uskunasi bilan ishlash uchun zarur bilim va ko‘nikmalarga ega ekanligi haqidagi tasdig‘iga asoslanadi. Telefon orqali beriladigan maslahatlar hajmi Xizmatlarni taqdim etish bilan bog‘liq muayyan savollar bilan cheklanadi. ATQX uchinchi shaxslarning uskunalari va dasturiy ta’minotini sozlash bo‘yicha maslahat bermaydi.

5.5. Abonent tomonidan Autentifikatsiya ma’lumotlari yo‘qotilgan taqdirda, yo‘qotilgan ma’lumotlar Abonentning so‘roviga binoan Provayder tomonidan Abonentga qayta taqdim etiladi. Bunda so‘rovda Abonentning shaxsiy ma’lumotlari hamda ma’lumotlarni yetkazish usuli (faks, telefon, elektron pochta va boshqalar) ko‘rsatilishi lozim.

5.6. Provayder quyidagilar uchun javobgar emas:

5.6.1. Xizmatlardan foydalanish uchun Abonent tomonidan ishlatiladigan uskuna va dasturiy ta’minot xavfsizligini ta’minlash uchun;

5.6.2. Abonent tomonidan Xizmatlardan Provayderning aybi bilan bog‘liq bo‘lmagan sabablarga ko‘ra foydalanish natijasida ko‘rilgan zararlar uchun.

6.1. Abonent barqaror internet ulanishining mavjudligini ta’minlaydi, shuningdek, zarur bo‘lgan hollarda Xizmatdan foydalanish uchun tegishli uskunani, abonent liniyasini (ulanish nuqtasi va Abonent uskunasini ulash uchun qo‘llaniladigan kabel va butlovchi qismlar) o‘z mablag‘lari hisobidan xarid qiladi. Abonent faqat o‘ziga tegishli va uchinchi shaxslarning huquqlari bilan yuklanmagan texnik vositalardan foydalanadi.

6.2. Xizmatga ulanish quyidagi usullardan biri orqali amalga oshirilishi mumkin:

maxsus uskuna (shu jumladan, TV-pristavkalar) orqali;

Abonentning Provayderning Rasmiy platformasi yoki mobil ilovasida mustaqil ravishda ro‘yxatdan o‘tishi orqali.

6.3. Provayder Xizmatdan foydalanish uchun zarur bo‘lgan uskunaning haqini (zarur bo‘lgan taqdirda) to‘lash sharti bilan Xizmatga bepul ulanish imkoniyatini taqdim etadi.

6.4. Abonent uskunasini sozlash, shuningdek, Abonentning harakatlari natijasida yuzaga kelgan texnik nosozliklarni bartaraf etish Provayder tomonidan alohida haq evaziga amalga oshiriladi.

6.5. Hisob-kitob davri uchun 100% oldindan to‘lov miqdoridagi abonent to‘lovi Abonent tomonidan tizimda ro‘yxatdan o‘tilgandan yoki pullik Xizmatlarga (obuna, Kontentni xarid qilish yoki ijaraga olish bo‘yicha) ulanganidan so‘ng amalga oshiriladi.

6.6. Servisda ro‘yxatdan o‘tishda yoki maxsus uskuna orqali Xizmatga ulanishda Abonent Provayderning Rasmiy platformasida joylashtirilgan Tariflardan birini tanlaydi.

6.7. Amaldagi Tariflar, obuna davrlari va ularning amal qilish shartlari Provayderning Rasmiy platformasida joylashtiriladi. Provayder Abonentlarni bu haqda kamida 15 (o‘n besh) kalendar kun oldin xabardor qilgan holda Tariflarni bir tomonlama tartibda o‘zgartirish huquqiga ega.

6.8. Taqdim etilayotgan Xizmatlar uchun abonent to‘lovi — tanlangan tarif rejasida belgilangan Xizmatlarning qat’iy qiymati undiriladi. Abonent to‘lovi hisob-kitob davrining birinchi kunida hisobdan chiqariladi va O‘zbekiston Respublikasi qonunchiligida bevosita nazarda tutilgan hollar bundan mustasno, Xizmatlar ko‘rsatilishining muddatidan oldin to‘xtatilishi munosabati bilan qayta hisob-kitob qilinmaydi.

6.8.1. Qimmatroq Tarifga o‘tish (qimmatroq Tarifni xarid qilish):

Tarif qimmatroq Tarifga o‘zgartirilganda quyidagi tartiblardan biri qo‘llaniladi:

- yangi Tarif keyingi hisob-kitob davri boshlanishidan kuchga kiradi;

- yangi Tarif darhol kuchga kiradi, bunda avval to‘langan Tarifning amal qilishi tugatiladi, yangi Tarif esa qayta hisob-kitobsiz to‘liq qiymati bo‘yicha ulanadi.

6.8.2. Arzonroq tarifga o‘tish (arzonroq tarifni xarid qilish):

Tarif arzonroq tarifga o‘zgartirilganda, yangi tarif faqat keyingi hisob-kitob davrining boshidan kuchga kiradi. Amaldagi hisob-kitob davri tugagunga qadar Abonent avval ulangan tarifdan foydalanishda davom etadi.

6.9. Abonentning aybi bilan bog‘liq bo‘lmagan sabablarga ko‘ra Xizmatlarni ko‘rsatishda uzilish yuzaga kelgan taqdirda, Provayder o‘z xohishiga ko‘ra Xizmatning amal qilish muddatini uzilish vaqtiga mos keladigan muddatga uzaytirishga haqli.

6.10. Abonentlik to‘lovini yechib olishning individual sanasi Abonent ulangan yoki ro‘yxatdan o‘tgan kuni belgilanadi. Xizmatlarni o‘z vaqtida to‘lanmaganligi sababli ko‘rsatishda uzilish yuzaga kelgan taqdirda, to‘lovni yechib olish sanasi Xizmatga qayta ulanish sanasiga ko‘chiriladi.

6.11. Agar Abonent asoslantirilgan yozma e’tiroz taqdim etmagan bo‘lsa, Xizmatlar hisob-kitob davrining oxirgi kunida tegishli tarzda ko‘rsatilgan va Abonent tomonidan qabul qilingan deb hisoblanadi. Montaj ishlari ulanish amalga oshirilgan paytdan boshlab 3 (uch) kalendar kun o‘tgach, yozma e’tirozlar mavjud bo‘lmagan taqdirda, Abonent tomonidan qabul qilingan deb hisoblanadi.

6.12. Xizmatlar uchun to‘lov Abonentning joylashgan joyiga qarab milliy yoki chet el valyutasida amalga oshiriladi. Mavjud to‘lov usullari: bank kartasi, to‘lov tizimlari, terminallar, bankomatlar, bank filiallari hamda Platformada ko‘rsatilgan boshqa usullar.

Uchinchi tomon xizmatlari orqali to‘lov amalga oshirilganda, Abonent to‘lovni tasdiqlovchi hujjatni saqlab qo‘yishi va zarurat tug‘ilganda uni taqdim etishi shart. Agar to‘lov noto‘g‘ri yoki to‘liq bo‘lmagan rekvizitlar bilan amalga oshirilgan bo‘lsa, Provayder to‘lovning o‘z vaqtida hisobga kiritilishi uchun javobgar bo‘lmaydi.

Alohida to‘lov usullari va/yoki hamkor bank mahsulotlari doirasida Provayder ushbu Ofer­taning 6.13-bandida hamda tegishli Aksiya qoidalarida nazarda tutilgan shartlar asosida Abonentga Keshbek hisoblash bilan Hamkorlik aksiyalarini o‘tkazishga haqli.

6.13. Bonus va Keshbek dasturlari:

6.13.1. Umumiy qoidalar. Provayder Hamkorlik aksiyalarini o‘tkazishga haqli bo‘lib, ushbu aksiyalar doirasida Abonentga Shaxsiy hisob raqamini to‘ldirgani va/yoki Xizmat yoki Tarif uchun muayyan to‘lov usuli, muayyan hamkor bankning bank kartasi yoki tegishli Aksiya qoidalarida ko‘rsatilgan boshqa to‘lov vositasidan foydalangan holda to‘lovni amalga oshirgani uchun Keshbek hisoblanadi.

6.13.2. Shartlarning manbasi. Har bir Hamkorlik aksiyasining aniq shartlari (Hamkor nomi, foydalaniladigan to‘lov usuli/bank, Keshbek miqdori va maksimal summasi, operatsiyaning minimal summasi, Aksiya o‘tkaziladigan muddat, Keshbekni hisoblash tartibi va muddatlari, bitta Abonent uchun hisoblashlar soniga qo‘yiladigan cheklovlar, shuningdek boshqa shartlar) Provayder tomonidan tegishli Aksiya boshlanish sanasidan kechiktirmay Xizmatning Rasmiy platformasida va/yoki Qurilma uchun ilovada joylashtiriladigan alohida Aksiya qoidalari bilan belgilanadi. Abonentning Aksiyada ishtirok etishi uning tegishli Aksiya qoidalariga to‘liq va so‘zsiz roziligini anglatadi.

6.13.3. Keshbekning mohiyati. Keshbek faqat Abonentning Shaxsiy hisob raqamiga hisoblanadi va undan faqat Provayder Xizmatlari uchun to‘lovni amalga oshirish maqsadida foydalanish mumkin. Keshbek pul mablag‘i hisoblanmaydi, naqd pul shaklida to‘lanmaydi, Abonentning bank kartasi yoki hisob raqamiga o‘tkazilmaydi, uchinchi shaxslarga berilmaydi hamda boshqa aktivlarga almashtirilmaydi. Keshbek foizli daromad, pul mablag‘laridan foydalanganlik uchun mukofot yoki omonat bo‘yicha daromad hisoblanmaydi va faqat marketing rag‘batlantiruvchi tadbiri doirasida hisoblanadi. Shartnoma bekor qilinganda, Shaxsiy hisob raqamida qolgan Keshbek bekor qilinadi va Abonentga pul ekvivalentida to‘lanmaydi (qaytarilmaydi).

6.13.4. Hisoblash shartlari. Keshbek Aksiya qoidalarida ko‘rsatilgan shartlarga bir vaqtning o‘zida rioya qilinganda hisoblanadi, jumladan (agar nazarda tutilgan bo‘lsa): Shaxsiy hisob raqamini to‘ldirish va/yoki Xizmat uchun ko‘rsatilgan to‘lov usulidan foydalangan holda to‘lovni amalga oshirish; operatsiyaning minimal summasi; Aksiya o‘tkaziladigan davr; Abonentning maqomi. Provayder Aksiya qoidalarida bir Abonent uchun bitta operatsiya, kun, oy yoki Aksiya amal qiladigan butun davr uchun Keshbek summasiga limit belgilashga haqli.

6.13.5. Hisobga kiritish muddati. Keshbek Abonentning Shaxsiy hisob raqamiga Aksiya qoidalarida belgilangan muddatda, biroq Aksiya shartlariga muvofiq bo‘lgan operatsiya amalga oshirilgan sanadan boshlab 30 (o‘ttiz) kalendar kundan oshmagan muddatda hisobga kiritiladi, agar Aksiya qoidalarida boshqacha tartib to‘g‘ridan-to‘g‘ri ko‘rsatilmagan bo‘lsa.

6.13.6. Qaytarish, bekor qilish va operatsiyalarni bekor qilish. Shaxsiy hisob raqamini to‘ldirish yoki Xizmat uchun to‘lovni amalga oshirish operatsiyasi, buning natijasida Keshbek hisoblangan bo‘lsa, bekor qilingan, qaytarilgan, nizolashilgan (chargeback) yoki haqiqiy emas deb topilgan taqdirda, Provayder tegishli Keshbekni Abonentning Shaxsiy hisob raqamidan uning summasini yechib olish yo‘li bilan bekor qilishga haqli. Agar Keshbek Abonent tomonidan Xizmatlar uchun to‘lovni amalga oshirishda allaqachon foydalanilgan bo‘lsa, Provayder Abonentning Shaxsiy hisob raqamida tegishli qarzdorlikni qayd etishga haqli bo‘lib, mazkur qarzdorlik umumiy tartibda qoplanishi lozim.

6.13.7. Suiiste’molliklarning oldini olish (antifrod). Agar suiiste’mollik belgilari aniqlansa, Provayder Keshbekni hisoblashni rad etishga yoki hisoblangan Keshbekni bekor qilishga, shuningdek Abonentning Aksiyada ishtirok etishini vaqtincha to‘xtatib turishga haqli. Bunday holatlarga quyidagilar kiradi: Keshbekni bir necha marta olish uchun shart-sharoitlarni sun’iy ravishda yaratish (bir nechta operatsiyalar, akkauntlar yoki qurilmalar orqali); Aksiyadan tijorat faoliyati maqsadida foydalanish; firibgarlik yoki boshqa insofsiz xatti-harakatlar.

6.13.8. Hamkorning ishtiroki. Agar Aksiya Hamkor (bank, to‘lov tizimi, to‘lov usuli operatori) bilan birgalikda o‘tkazilsa, Keshbek hisoblanmasligiga olib kelgan Hamkor tomonidan yuzaga kelgan texnik nosozliklar, kechikishlar, karta yoki to‘lovni identifikatsiya qilishdagi xatolar uchun Provayder javobgar bo‘lmaydi. Bunday murojaatlar Hamkor bilan hamkorlikda tartibga solinadi yoki Abonent tomonidan bevosita Hamkorga yuboriladi.

6.13.9. Aksiyani o‘zgartirish va muddatidan oldin tugatish. Provayder o‘tkazilayotgan Aksiya shartlarini bir tomonlama tartibda o‘zgartirishga yoki uni muddatidan oldin tugatishga haqli, bunda o‘zgartirishlar kuchga kirishidan kamida 3 (uch) kalendar kun oldin Xizmatning Rasmiy platformasida tegishli xabarnomani joylashtiradi. Agar Aksiyaning tugatilishiga Hamkor bilan tuzilgan kelishuvning bekor qilinishi yoki davlat organlarining qarori sabab bo‘lsa, Provayder Abonentlarni imkon qadar qisqa oqilona muddatda xabardor qiladi. Aksiya shartlari o‘zgartirilgunga yoki Aksiya tugatilgunga qadar hisoblangan Keshbek Abonentning Shaxsiy hisob raqamida saqlanib qoladi.

7.1. Kontentdan umumiy foydalanish shartlari va bepul ko‘rish uchun taqdim etiladigan Kontentdan foydalanish shartlari:

7.1.1. Abonent sayt, oxirgi qurilma uchun ilovaning har qanday xavfsizlik vositalarini yoki har qanday Kontentdan foydalanish yoki uni nusxalashni (nusxalash ko‘rsatilayotgan Xizmat tarkibiga kirmagan hollarda) oldini oluvchi yoki cheklovchi, yoxud Kontentdan foydalanishga cheklovlar qo‘yuvchi vositalarni buzmasligi, bloklamasligi yoki boshqa tarzda ularga zarar yetkazmasligi lozim.

7.1.2. Abonent Kontentdan tijorat maqsadlarida, shu jumladan Kontentga pullik kirishni taqdim etish, Kontentdan reklama daromadi yoki abonentlik to‘lovi olish maqsadida foydalanish huquqiga ega emas.

7.1.3. Abonent Kontentdan faqat shaxsiy ko‘rish orqali foydalanish huquqiga ega va Kontentdan (qisman yoki to‘liq) boshqa usulda foydalanish huquqiga ega emas.

7.1.4. Kontentdan shaxsiy ko‘rishdan boshqa har qanday foydalanish ushbu Shartnomaning va qonun bilan muhofaza qilinadigan intellektual huquqlarning buzilishi hisoblanadi, qonun hujjatlariga muvofiq ta’qib qilinadi hamda O‘zbekiston Respublikasi Jinoyat kodeksining 149-moddasiga muvofiq jazo qo‘llanilishiga va/yoki tegishli hududda amal qiluvchi qonunchilikka muvofiq boshqa jazo va choralar qo‘llanilishiga sabab bo‘lishi mumkin.

7.1.5. Bepul ko‘rish uchun taqdim etiladigan Kontent Abonentga Provayder platformasidan, ruxsat etilgan saytdan yoki Qurilma uchun ilovadan foydalanish orqali taqdim etiladi.

7.2. Pullik Kontentdan foydalanish va uning uchun to‘lovni amalga oshirish shartlari:

7.2.1. Obuna bo‘yicha pullik Kontentni ko‘rish imkoniyati obuna rasmiylashtirgan Abonentga u tomonidan to‘langan obuna davri uchun taqdim etiladi. Obuna davrini hisoblash Abonent tomonidan o‘zi tanlagan obuna davri uchun obuna haqini to‘liq to‘lash bo‘yicha operatsiya muvaffaqiyatli yakunlangan va Abonentga obuna bo‘yicha pullik Kontentni ko‘rish imkoniyati taqdim etilgan paytdan boshlanadi. Bir kalendar kunining davomiyligi 24 soatni tashkil etadi.

7.2.2. Ijara bo‘yicha Kontent Birligini 30 (o‘ttiz) kalendar kun davomida ko‘rish imkoniyati, shuningdek ushbu Kontent Birligini 48 (qirq sakkiz) soat davomida bir necha marotaba ko‘rish huquqi Ijara xizmatini xarid qilgan Abonentga taqdim etiladi.

7.2.3. Kontent Birligini uning amal qilish davrida cheklanmagan miqdorda, shuningdek litsenziya muddati tugagan sanadan boshlab 6 (olti) oydan oshmagan muddat davomida bir necha marotaba ko‘rish imkoniyati tegishli Kontent Birligini Xarid qilgan Abonentga taqdim etiladi.

7.2.4. Abonentga pullik Kontentdan (Obuna, Ijara yoki Xarid shartlari asosida) foydalanish imkoniyatini taqdim etish Xizmati uchun to‘lov O‘zbekiston Respublikasi so‘mida va faqat Provayder platformasida mavjud bo‘lgan to‘lov tizimlari orqali amalga oshiriladi. Mavjud to‘lov tizimlari ro‘yxati Provayder tomonidan mustaqil ravishda, o‘z xohishiga ko‘ra belgilanadi va Provayder tomonidan Abonentni xabardor qilmasdan istalgan vaqtda o‘zgartirilishi mumkin.

7.2.5. Xizmat uchun to‘lov to‘lov tizimi sahifasida va/yoki Provayder ilovasidagi tegishli to‘lovni amalga oshirish sahifasida tegishli tasdiq olingan paytdan boshlab amalga oshirilgan deb hisoblanadi.

7.2.6. Bank kartalari orqali to‘lov amalga oshirilganda, Abonentning so‘roviga ko‘ra mablag‘larni qaytarish faqat dastlabki to‘lov amalga oshirilgan bank kartasiga va faqat joriy kalendar oyining oxirigacha Provayder bilan kelishilgan holda amalga oshiriladi.

7.2.7. Pullik Kontentdan foydalanish imkoniyati Abonent tomonidan tanlangan tarif shartlariga muvofiq bo‘lgan miqdordagi Qurilmalarda bir vaqtning o‘zida taqdim etilishi mumkin.

7.2.8. Obuna, Ijara yoki Xarid orqali foydalanish mumkin bo‘lgan pullik Kontent, shuningdek bepul ko‘rish uchun taqdim etiladigan Kontent ro‘yxati Provayder tomonidan Abonentni xabardor qilmasdan istalgan vaqtda o‘zgartirilishi mumkin.

7.3. START xizmatidan foydalanish bo‘yicha Foydalanuvchi kelishuvi

START xizmatidan foydalanish bo‘yicha Foydalanuvchi kelishuvi (START xizmati (START) «Старт.Ру» Masʼuliyati cheklangan jamiyati tomonidan, OGRN 1177746679175, STIR 7728374780, Provayderning iTV.uz xizmatidagi Platformasida taqdim etiladi): Provayder Platformasida START xizmatidan foydalanish bo‘yicha Foydalanuvchi kelishuvi shartlari Internet tarmog‘ida quyidagi manzilda joylashtirilgan: (https://start.ru/legal/terms_of_use) Provayder Platformasida START xizmatidan foydalanish hududi O‘zbekiston Respublikasi deb eʼtirof etiladi. Foydalanuvchi START xizmatidan ushbu kelishuv shartlariga zid bo‘lmagan usullarda foydalanish majburiyatini oladi.

8.1. Provayder O‘zbekiston Respublikasining amaldagi qonunchiligiga muvofiq Shartnoma bo‘yicha o‘z majburiyatlarini bajarish uchun javobgar hisoblanadi.

8.2. Provayder Abonentning shaxsiy maʼlumotlaridan foydalanish tartibini buzganlik uchun amaldagi qonunchilikda nazarda tutilgan javobgarlikni o‘z zimmasiga oladi.

8.3. Provayder quyidagilar uchun javobgar bo‘lmaydi:

efirga uzatuvchilarning xatti-harakatlari, retranslyatsiya qilinadigan telekanallarning mazmuni va dasturlarni translyatsiya qilish rejimining o‘zgarishi uchun;

- Provayderga tegishli bo‘lmagan nosozliklar, shu jumladan magistral liniyalarda elektr energiyasi mavjud emasligi sababli signal uzatilishining to‘xtashi uchun;

- Provayderning uskunalari va dasturiy taʼminoti bilan bog‘liq bo‘lmagan maʼlumotlar uzatish tarmog‘ining har qanday shikastlanishi uchun;

- Abonentning o‘z Abonent uskunasidan foydalanish qoidalarini buzishi natijasida yetkazilgan har qanday turdagi zarar, shuningdek uchinchi shaxslarning xatti-harakatlari, xususan, ruxsatsiz elektron pochta almashinuvi, virusli hujumlar va shu kabilar natijasida yuzaga kelgan zarar uchun;

- oxirgi qurilmalar faoliyatidagi nosozliklar uchun;

- texnik sabablar va fors-major holatlari tufayli Abonentga Xizmatlar taqdim etilmasligi davomiyligi 60 (oltmish) daqiqadan kam bo‘lgan hollarda;

- maʼlumotlar uzatish tarmoqlari orqali (IP protokoli bo‘yicha) televizion signalning ish faoliyatini taʼminlash va rivojlantirish zarurati tufayli uskunalarni almashtirish bilan bog‘liq Xizmatlar taqdim etilishining to‘liq yoki qisman uzilishi uchun;

- Abonent Xizmatdan foydalanganligi yoki undan foydalanish imkoniyati mavjud bo‘lmaganligi natijasida yuzaga kelgan boy berilgan foyda, bevosita yoki bilvosita zarar uchun;

- shahar va boshqa umumiy foydalanishdagi aloqa tarmoqlarining sifati, shuningdek Provayderning javobgarlik doirasidan tashqarida bo‘lgan sabablar tufayli Xizmatlar sifatining yomonlashuvi va/yoki ularni taqdim etishdagi uzilishlar uchun.

- Provayder tomonidan ko‘rsatilgan xizmatlarning sifatsiz yoki o‘z vaqtida ko‘rsatilmaganligi sababli, Provayderga bog‘liq bo‘lmagan sabablardan kelib chiqqan boy berilgan foyda va bilvosita zararlar uchun;

- foydalanuvchi tomonidan ilovadan foydalanish yoki Servisga kirish imkoniyati mavjud bo‘lmaganligi uchun, shu jumladan, quyidagilar bilan bog‘liq texnik cheklovlar yoki foydalanuvchi tomonidagi nosozliklar sababli:

- foydalanuvchi qurilmasining xususiyatlari yoki holati;

- operatsion tizimning eskirgan yoki mos kelmaydigan versiyasi;

- uchinchi shaxslarning ilovalari yoki dasturlarining harakatlari;

beqaror Internet ulanishi, tarmoq yoki marshrutizator sozlamalari.

Provayder nazorat doirasidan tashqarida bo‘lgan sabablarga ko‘ra Hamkorlik aksiyasi doirasida Keshbekning hisoblanmaganligi, hisoblanishining kechikishi yoki uning miqdori o‘zgarganligi uchun, shu jumladan banklar, to‘lov tizimlari va boshqa Hamkorlarning harakatlari/harakatsizligi, ularning tomonidagi texnik nosozliklar, shuningdek Hamkor bilan hamkorlik shartlarining bekor qilinishi yoki o‘zgartirilishi natijasida Aksiyaning muddatidan oldin tugatilishi uchun.

8.4. Xizmatlardan foydalanish imkoniyati bekor qilingan taqdirda, Provayder Abonentning xizmatlardan foydalanish huquqidan mahrum qilinganligi to‘g‘risida har qanday uchinchi shaxslarni xabardor qilganligi yoki xabardor qilmaganligi, shuningdek bunday ogohlantirish yoki uning mavjud emasligi natijasida yuzaga kelishi mumkin bo‘lgan oqibatlar uchun javobgar bo‘lmaydi.

8.5. Provayder Abonent to‘g‘risidagi ma’lumotlarni uchinchi shaxslarga taqdim etmaslik majburiyatini oladi, bundan O‘zbekiston Respublikasi qonunchiligida bunday ma’lumotlarni taqdim etish belgilangan hollar, shuningdek qonunchilikka muvofiq qarzdorlarning o‘z zimmasiga olgan majburiyatlarini bajarganligi to‘g‘risidagi ma’lumotlarni shakllantirish, qayta ishlash, saqlash va taqdim etish uchun bunday ma’lumotlarni taqdim etish talab etiladigan hollar mustasno.

9.1. Abonent quyidagilar uchun javobgar bo‘ladi:

- amaldagi qonunchilikka muvofiq o‘z majburiyatlarini bajarish uchun;

- xizmatlardan foydalangan holda sodir etilgan barcha qonunga xilof harakatlar, shuningdek ularning oqibatlari uchun;

- o‘zining Autentifikatsiya ma’lumotlari maxfiyligini saqlash va ularni uchinchi shaxslardan himoya qilish, shuningdek Autentifikatsiya ma’lumotlarining oshkor etilishi va/yoki ruxsatsiz foydalanilishi sababli yuzaga kelishi mumkin bo‘lgan oqibatlar uchun.

9.2. Abonent xizmatlardan foydalangan holda olingan materiallar, tovarlar va xizmatlardan foydalanish bilan bog‘liq barcha javobgarlik va xatarlarni o‘z zimmasiga oladi.

9.3. Abonent xizmatlardan foydalangan holda o‘zi uzatayotgan axborotning mazmuni, ishonchliligi va qonuniyligi uchun mustaqil ravishda javob beradi.

9.4. Abonent shartnoma tuzishda o‘zi ko‘rsatgan manzilda montaj ishlari olib borilayotgan vaqtda binodan foydalanish va uni taqdim etish bilan bog‘liq barcha fuqarolik, ma’muriy va jinoiy javobgarlikni to‘liq o‘z zimmasiga oladi.

9.5. Abonent Provayder bilan shartnoma tuzilgan paytdan boshlab, shartnoma bekor qilingunga qadar binoda amalga oshirilgan montaj ishlari uchun mulkdor oldida qonunchilikda belgilangan tartibda to‘liq fuqarolik va moddiy javobgarlikni o‘z zimmasiga oladi.

10.1. Foydalanuvchi Platformaga Axborot joylashtirish orqali Platformaga Axborot joylashtirish uchun barcha zarur huquqlarga ega ekanligini kafolatlaydi. Agar Foydalanuvchida biror Axborotni Platformaga joylashtirish uchun tegishli huquqlar mavjud bo‘lmasa, Foydalanuvchi bunday Axborotni joylashtirmaslik majburiyatini oladi.

10.2. Foydalanuvchi Platformadan foydalanishda Platformaga quyidagi Axborotni joylashtirmaslik, shuningdek Platformadan bunday Axborotni olish, yuborish yoki Platforma orqali/yordamida tarqatish maqsadlarida foydalanmaslik majburiyatini oladi:

- tuhmat, haqorat, uchinchi shaxslarning sha’ni va/yoki qadr-qimmatiga putur yetkazuvchi yoki ularni kamsituvchi, tahdidlarni o‘z ichiga olgan Axborotni;

- uchinchi shaxslarning huquqlari va qonun bilan qo‘riqlanadigan manfaatlarini buzuvchi Axborotni;

- fuqarolarning shaxsiy hayotga bo‘lgan huquqlarini va jamoat tartibini buzuvchi Axborotni;

- odamlarni irqiy, etnik, jinsiy, diniy, ijtimoiy mavqei yoki boshqa belgilariga ko‘ra kamsitishni targ‘ib qiluvchi Axborotni;

- konstitutsiyaviy tuzumni o‘zgartirishga, urush boshlashga, diniy, irqiy yoki millatlararo adovatni qo‘zg‘atishga ko‘maklashuvchi va/yoki bunga da’vat qiluvchi, adovat qo‘zg‘atishga urinishlarni o‘z ichiga olgan yoki zo‘ravonlikka da’vat qiluvchi, ozchiliklarning huquqlarini kamsituvchi Axborotni;

- pornografik materiallar yoki axloq me’yorlariga zid bo‘lgan boshqa materiallarni o‘z ichiga olgan Axborotni;

- ekstremistik materiallarni o‘z ichiga olgan Axborotni;

- fuqarolarning diniy tuyg‘ularini haqorat qiluvchi Axborotni;

- Provayder va uchinchi shaxslarning ishchanlik obro‘siga putur yetkazuvchi Axborotni;

- “buyurtma asosidagi” xususiyatga ega bo‘lgan, ya’ni Platformani yaratish maqsadlariga mos kelmaydigan, kimningdir manfaatlarini ko‘zlab yaratilgan Axborotni;

- Platformaga joylashtirmaslik va Platforma orqali/yordamida boshqa joylarga O‘zbekiston Respublikasi qonunchiligiga va/yoki mazkur Shartnomaga mos kelmaydigan boshqa Axborotni yubormaslik;

- Platformada kompyuter viruslari yoki boshqa kompyuter kodlari, fayllari yoki dasturlarini, har qanday kompyuter yoki telekommunikatsiya uskunalari yoxud dasturlarining funksionalligini buzish, o‘zgartirish, bloklash, yo‘q qilish yoki cheklash, ruxsatsiz foydalanishni amalga oshirish uchun mo‘ljallangan vositalarni, shuningdek tijorat dasturiy mahsulotlarining seriya raqamlari va ularni yaratish dasturlarini, loginlar, parollar va Platformaga, shuningdek Internet tarmog‘idagi pullik resurslarga ruxsatsiz kirishni qo‘lga kiritish uchun mo‘ljallangan boshqa vositalarni tarqatmaslik;

- Platformaning normal ish faoliyatini buzmaslik;

- Platformaning Ma’muriyati tomonidan Platforma sozlamalarida belgilangan cheklovlarni chetlab o‘tishga, Axborot va Ma’lumotlar bazasini «yig‘ib olish» (to‘plash), noqonuniy uzatish, nusxalash, bloklash, o‘zgartirish, yo‘q qilishga qaratilgan har qanday kompyuter dasturlari, robotlar («o‘rgimchaklar») yoki boshqa avtomatlashtirilgan algoritm va usullarni tarqatmaslik va/yoki ulardan foydalanmaslik;

- intellektual mulk to‘g‘risidagi qonunchilik bilan muhofaza qilinadigan Axborotni (shu jumladan, patentlar, tovar belgilari, mualliflik va/yoki turdosh huquqlarga taalluqli Axborotni) hamda qonun bilan muhofaza qilinadigan boshqa Axborotni ushbu Axborot huquq egasining tegishli huquqlari va ruxsatisiz Platformaga joylashtirmaslik yoki boshqa usulda Platformada ishlatmaslik. Bahsli vaziyat yuzaga kelgan taqdirda, Foydalanuvchi tomonidan joylashtirilayotgan Axborot hech kimning huquqlarini buzmasligini isbotlash majburiyati Foydalanuvchining zimmasida bo‘ladi;

- Provayderning oldindan roziligini olmasdan Platformaga reklama joylashtirmaslik yoki boshqa usulda tarqatmaslik;

- boshqa Foydalanuvchilarning Shaxsiy ma’lumotlarini to‘plash, saqlash, tarqatish va qayta ishlash bo‘yicha boshqa harakatlarni amalga oshirmaslik;

- Platformaga O‘zbekiston Respublikasi qonunchiligi va/yoki mazkur Shartnoma talablariga zid bo‘lgan boshqa Internet-resurslarga havolalarni joylashtirmaslik;

- Platformada va/yoki Platforma orqali «baxt maktublari», Internet orqali pul ishlash tizimlari, «piramida» sxemalari, ko‘p bosqichli marketing, elektron pochta orqali biznes yuritish va boshqa spamlarni tarqatmaslik;

- Platformada ro‘yxatdan o‘tishda o‘zi haqida yolg‘on Shaxsiy ma’lumotlarni ko‘rsatmaslik, haqiqatda mavjud bo‘lgan yoki ilgari mavjud bo‘lgan boshqa shaxs nomidan Platformada ro‘yxatdan o‘tmaslik va harakatlarni amalga oshirmaslik, uchinchi shaxslarning Shaxsiy ma’lumotlarini ko‘rsatmaslik, uchinchi shaxslarning noqonuniy vakilligiga oid har qanday shakl va usullardan foydalanmaslik;

- Platforma orqali boshqa Foydalanuvchilar va/yoki uchinchi shaxslardan bahona qanday bo‘lishidan qat’i nazar, pul undirish yoki pul olishga qaratilgan harakatlarni amalga oshirmaslik;

- giyohvandlik vositalari va psixotrop moddalarni iste’mol qilishni targ‘ib qilmaslik va ularni iste’mol qilishga undamaslik, Platforma orqali fohishalik bilan shug‘ullanishga jalb qilmaslik;

- Platformadan foydalanish orqali boshqa qonunga xilof, noqonuniy, O‘zbekiston Respublikasi qonunchiligi va/yoki mazkur Shartnoma talablariga zid harakatlarni sodir etishga ko‘maklashmaslik va/yoki bunday harakatlarni sodir etmaslik.

10.2.1. Platforma Ma’muriyati o‘z xohishiga ko‘ra Foydalanuvchi tomonidan Platformaga joylashtirilgan Axborotni, agar u muhokama mavzusiga taalluqli bo‘lmasa va/yoki salbiy xususiyatga ega bo‘lsa, joylashtirishni rad etishi, o‘chirishi va/yoki tahrirlashi mumkin.

10.3. Provayder Foydalanuvchiga Platformaga Axborot joylashtirish va Platforma xizmatlaridan foydalanish imkoniyatini taqdim etadi. Provayder Foydalanuvchilar tomonidan Platformaga joylashtirilgan Axborotning ishonchliligi va qonuniyligi uchun hech qanday javobgarlikni o‘z zimmasiga olmaydi.

10.3.1. Provayder o‘z xohishiga ko‘ra Platformaning ayrim sahifalarida Foydalanuvchilar tomonidan Axborot joylashtirilishini cheklash huquqini o‘zida saqlab qoladi.

10.3.2. Provayder o‘z xohishiga ko‘ra Foydalanuvchining Platformaning ayrim sahifalaridagi Axborotni o‘chirish haqidagi talabini rad etish huquqini o‘zida saqlab qoladi.

10.4. Provayder Foydalanuvchi tomonidan Platformaga joylashtirilayotgan barcha Axborotning O‘zbekiston Respublikasi qonunchiligi talablari va mazkur Shartnoma qoidalariga muvofiqligini tekshirmaydi hamda bunday tekshiruvni amalga oshirish uchun texnik va amaliy imkoniyatga ega emas, chunki bunday tekshiruv Platformaning ishlashini imkonsiz holga keltiradi. Biroq tegishli shubhalar yuzaga kelgan taqdirda, Provayder o‘z xohishiga ko‘ra istalgan vaqtda bunday tekshiruvni amalga oshirishi mumkin.

10.5. Provayder o‘z xohishiga ko‘ra Foydalanuvchi Platformaga joylashtirmoqchi bo‘lgan yoki joylashtirgan har qanday Axborotni joylashtirishni rad etishi, o‘chirishi va/yoki tahrirlashi mumkin.

10.6. Foydalanuvchi tomonidan yoki reklama sifatida Platformaga joylashtirilgan har qanday sayt, mahsulot, xizmat yoki tijorat yoxud notijorat xususiyatdagi har qanday Axborotga havola ushbu mahsulotlar (xizmatlar) Provayder tomonidan ma’qullanganligi yoki tavsiya etilganligini anglatmaydi.

11.1. Mazkur Shartnomaning bekor qilinishi Tomonlarni uni bekor qilish paytigacha yo‘l qo‘yilgan buzilishlar uchun javobgarlikdan ozod etmaydi.

11.2. Yetkazilgan zarar aybdor Tomondan neustoykadan tashqari undiriladi va boy berilgan foydani (olinmay qolgan daromadlarni) ham o‘z ichiga olishi mumkin.

11.3. Agar o‘z majburiyatlarining lozim darajada bajarilmasligiga yengib bo‘lmaydigan holatlar sabab bo‘lgan bo‘lsa, Tomonlar javobgarlikdan ozod etiladi. Bunday holatlarga, jumladan, noqulay ob-havo sharoitlari, yong‘inlar, avariyalar, televideniye signalining tarqatuvchi tomonidan, shu jumladan sun’iy yo‘ldosh orqali, mavjud emasligi yoki signal darajasining pasayishi kiradi. Bunda majburiyatlarni bajarish muddati bunday holatlar amal qilgan vaqtga mutanosib ravishda uzaytiriladi va boshqa Tomonga yetkazilgan har qanday zarar qoplanmaydi.

11.4. Agar Provayderga ta’sir ko‘rsatgan yengib bo‘lmaydigan holatlar ketma-ket 30 kundan ortiq davom etsa, Provayder Platformada tegishli axborotni joylashtirish orqali Shartnoma bo‘yicha o‘z majburiyatlarini bajarishdan bosh tortish huquqiga ega.

11.5. Shartnomani bajarish bilan bog‘liq nizolar yuzaga kelgan taqdirda, Tomonlar ularni sudgacha bo‘lgan (talabnoma berish) tartibida hal etish uchun barcha imkoniyatlarni ishga soladilar. Qonunchilikka muvofiq, har ikki Tomon tomonidan qilingan sud xarajatlari da’vo talablari qanoatlantirilgan miqdorga mutanosib ravishda ishda ishtirok etuvchi shaxslar tomonidan qoplanadi.

12.1. Shartnomani bajarish bilan bog‘liq har qanday nizo yoki kelishmovchiliklar yuzaga kelgan taqdirda, Tomonlar ularni Tomonlar o‘rtasida muzokaralar o‘tkazish yo‘li bilan hal etish uchun barcha choralarni ko‘radilar.

12.2. Agar nizolar muzokaralar yo‘li bilan hal etilmasa, ular O‘zbekiston Respublikasining amaldagi qonunchiligida belgilangan tartibda vakolatli sud tomonidan ko‘rib chiqiladi.

13.1. Mazkur Shartnoma Tomonlar o‘rtasida uni imzolashdan oldin amalda yuzaga kelgan munosabatlarni ham, agar bunday munosabatlar mavjud bo‘lgan bo‘lsa, tartibga soladi.

13.2. Mazkur oferta muddatsiz hisoblanadi va uning barcha shartlari Tomonlardan biri mazkur Ofertada belgilangan tartibda Shartnomani bekor qilish istagini bildirmaguniga qadar amal qiladi.

13.3. Abonent Shartnomani bir tomonlama tartibda bekor qilish huquqiga ega. Buning uchun u Shartnomani bekor qilish to‘g‘risidagi yozma arizani Provayder ofisiga ariza topshirilayotgan oy tugashidan kamida 10 (o‘n) kalendar kun oldin taqdim etishi lozim.

13.4. Foydalanuvchi rasmiylashtirilgan obunani Xizmat faollashtirilgan paytdan boshlab 24 soat ichida bekor qilishi mumkin. Xizmatni bekor qilish uchun Foydalanuvchi qo‘llab-quvvatlash xizmatiga murojaat qilishi kerak. Bekor qilish ma’qullangan taqdirda, qaytariladigan summa Foydalanuvchining ichki balansiga o‘tkaziladi va Provayderning boshqa xizmatlari uchun to‘lovni amalga oshirishda foydalanilishi mumkin. Obuna faollashtirilganidan keyin 24 soat o‘tgach, mablag‘lar qaytarilmaydi.

13.5. Obuna avtomatik uzaytirish sharti bilan rasmiylashtiriladi. Bu to‘langan davr tugagandan so‘ng, agar Foydalanuvchi tomonidan boshqacha ko‘rsatilmagan bo‘lsa, tizim mavjud to‘lov manbasidan mablag‘larni avtomatik ravishda yechib olishini anglatadi.

Avtomatik uzaytirish Foydalanuvchi tomonidan navbatdagi mablag‘ yechib olinadigan sanagacha istalgan vaqtda o‘chirib qo‘yilishi mumkin:

Shaxsiy kabinetning “Mening obunam” bo‘limida;

Qo‘llab-quvvatlash xizmatiga murojaat qilish orqali;

Yoki foydalanilayotgan ilova interfeysida nazarda tutilgan boshqa usul orqali (masalan, App Store, Google Play).

Agar Foydalanuvchi mablag‘ yechib olinadigan sanagacha avtomatik uzaytirishni o‘chirmagan bo‘lsa, Xizmat keyingi davr uchun ko‘rsatilgan deb hisoblanadi.

Foydalanuvchi avtomatik uzaytirishni o‘z vaqtida o‘chirib qo‘yish uchun javobgardir. Foydalanuvchi tomonidan tegishli choralar ko‘rilmagan taqdirda, faol obuna doirasida amalga oshirilgan mablag‘larni yechib olish uchun Provayder javobgar bo‘lmaydi.

13.6. Abonentga pul mablag‘larini qaytarish Provayder tomonidan O‘zbekiston Respublikasining milliy valyutasida Abonentning plastik kartasi yoki bank hisob raqamiga pul o‘tkazish yo‘li bilan amalga oshiriladi.

13.6.1. Shaxsiy hisobvaraq balansidan pul mablag‘larini qaytarishda avval hisoblangan Keshbek to‘lanmaydi va Shaxsiy hisobvaraqdan bekor qilinadi. Faqat Abonent tomonidan amalda kiritilgan pul mablag‘lari (avans to‘lovlari), ko‘rsatilgan xizmatlar va/yoki ushlab qolinadigan summalar chegirib tashlangan holda, qaytariladi.

Abonentning ichki balansidagi mablag‘larni qaytarish quyidagi usullar orqali amalga oshirilishi mumkin:

- to‘lovni amalga oshirishda foydalanilgan to‘lov tizimlari orqali, tegishli to‘lov tizimining qoidalari va talablariga rioya qilingan taqdirda;

- bevosita Provayder orqali, quyidagi shartlarga rioya qilingan holda:

- Abonent tomonidan amalga oshirilgan tranzaksiya to‘g‘risidagi to‘liq ma’lumotlarni (sana, summa, to‘lov usuli va boshqa identifikatsiya ma’lumotlarini) taqdim etish;

- Abonentning shaxsini tasdiqlash (pasport yoki shaxsni tasdiqlovchi boshqa hujjatni taqdim etish);

- Provayder nomiga qaytarish sabablari va mablag‘larni qaytarish uchun bank rekvizitlari ko‘rsatilgan yozma ariza taqdim etish.

Provayder yuqorida ko‘rsatilgan shartlarga rioya qilinmagan yoki Abonent tomonidan suiiste’mollik alomatlari aniqlangan taqdirda, mablag‘larni qaytarishni rad etish huquqini o‘zida saqlab qoladi.

13.7. Ijaradan yoki xariddan voz kechilganda pul mablag‘larini qaytarish

13.7.1. Provayder tomonidan ko‘rsatiladigan Xizmat (Ijara, Xarid) Abonentga Videokontentni ko‘rish imkoniyatidan foydalanish uchun texnik imkoniyat taqdim etishdan iborat. Bunday texnik imkoniyat taqdim etilgan (Ko‘rish imkoniyati ochilgan) paytdan boshlab Xizmat Provayder tomonidan ko‘rsatilgan deb hisoblanadi va Xizmat ko‘rsatilganidan keyin undan voz kechilganda pul mablag‘lari qaytarilmaydi.

13.7.2. Provayder Ijara yoki Xarid uchun to‘langan pul mablag‘larini ixtiyoriy ravishda qaytarishi mumkin, biroq buning uchun quyidagi shartlarning barchasi bir vaqtning o‘zida bajarilgan bo‘lishi kerak:

- mazkur Xizmatlar xarid qilingan paytdan boshlab 3 sutkadan ko‘p vaqt o‘tmagan bo‘lsa;

- Videokontentni Ko‘rish vaqti 10 daqiqadan oshmagan bo‘lsa (shu jumladan, qayta o‘tkazish rejimi);

- Videokontentni xarid qilish munosabati bilan Abonentga hech qanday imtiyoz yoki chegirma taqdim etilmagan bo‘lsa.

13.7.3. Foydalanuvchi va Provayder o‘rtasida yuzaga kelgan barcha nizolar va kelishmovchiliklarni muzokaralar yo‘li bilan hal etishga harakat qiladilar. Agar nizolar va kelishmovchiliklarni muzokaralar yo‘li bilan hal etishning imkoni bo‘lmasa, ular Provayder joylashgan joydagi tegishli sudda ko‘rib chiqiladi.

13.8. Videokontent Abonentning didi yoki kutganlariga mos kelmaganligi sababli pul mablag‘lari qaytarilmaydi. Foydalanuvchi Videokontentni xarid qilishdan oldin uning tavsifi bilan tanishishi shart. Provayder Videokontentdan foydalanish imkoniyatini ta’minlash bo‘yicha faqat texnik xizmatlarni ko‘rsatadi.

14.1. Provayder quyidagi hollarda Abonent to‘g‘risidagi ma’lumotlarni tegishli korxonalar (huquqni muhofaza qiluvchi organlar), muassasalar yoki tashkilotlarga taqdim etish huquqiga ega:

Abonentni xizmatlarga ulashni tashkil etish va/yoki keyinchalik Abonentga pudratchi tashkilotlar yordamida texnik xizmat ko‘rsatish vaqtida;

amaldagi qonunchilikda nazarda tutilgan boshqa hollarda.

14.2. Agar uskuna Abonentning aybi bilan shikastlansa yoki yo‘qotilsa, Abonent Shartnomada ko‘rsatilgan, kelishilgan uskuna qiymatini Provayderga qoplab beradi.

14.3. Mazkur Shartnomada nazarda tutilmagan barcha masalalarda Tomonlar O‘zbekiston Respublikasining amaldagi fuqarolik qonunchiligiga amal qiladilar.