Tug'ilmaganlar

Shirin mashhur aktrisa, eri Sardor esa, badavlat tadbirkor. Bir qarashda ular toʼkis baxtga ega. Аmmo, Shirin oxirgi marta rol' ijro qilgan fil'm, uning koʼnglidek chiqmadi. Shu vaqtda uni mashhur bir rejissyor kastingga chaqirdi. Stsenariy unga juda ham yoqdi. Fil'm prodyuseri esa, koʼpdan Shiringa koʼz tikib yurgan Jasur ismli yigit. U Shirinning erini “xotinining soyasi” deb hisoblaydi. Аmmo, Shirin ham, eri ham, u bilan yaxshi munosabatda edilar. Shirinning oʼzi oʼsha fil'mda bosh rolni ijro qilishni juda ham istaydi. Chunki, fil]m xalqaro kinofestivallarga yuborilishi koʼzda tutilgan edi. Jasurning yordami bilan u bosh rolni qoʼlga kiritadi. Lekin, ayni shu vaqtda uning homiladorligi maʼlum boʼladi. Bu esa, u ijro qilayotgan obrazga toʼgʼri kelmasdi. Bu yoqda esa, eri Sardor bir necha yildan beri farznd orzusida edi. Shirin ikki oʼt oʼrtasida qoladi. U bolani abort qildiradimi? Bunga Sardorning munosabati qanday boʼladi? Shirin oʼzi orzu qilayotgan fil'mda rol' ijro qila oladimi? Rol' orzusidagi ayol oldinda oʼzini qanday sinovlar kutib turganidan bexabar edi...