Chetdagi odam

Bu qishloqda bir gʼiybatchilar toʼdasi bor. Ular suyaksiz til bilan insonlar taqdirini izdan chiqarib yuboradilar. Ulardan biri yetim qolgan bir yosh bolaning miyasini zaharlab, “otangni oʼlimidan soʼng, doʼsti sizlardan xabar olmayapti” deb, uni otasining doʼsti Musa fermaga qarshi qilib qoʼyadi. Natijada yetim bola Musa akaning qizi Zarnigorni tosh bilan urib boshini yoradi. Bundan jahli chiqqan bolaning Lutfiya ammasi unga aslida Musa aka har hafta ularga, u orqali xalta toʼla bozorlik yeguliklar berib yuborishini aytadi. Qishloqning oldi polvonlaridan Sobir polvon esa, togʼasining oʼlimiga sababchi boʼlgan odamning jiyani Shodiyani sevib qolgan. Аslida uning togʼasining oʼlimiga ham, gʼiybatchilar toʼdasi sabab boʼlgan. Shodiyani oʼsha gʼiybatchilardan biri Boborayim gov gap-soʼz qilib yuboradi. Sobir polvon Shodiyaning shaʼni uchun u bilan kurashadi. Boborayim gov esa, nomardlik qilib uni pichoqlab qoʼyadi. Qilichbek uylangan xotini va gʼiybatchilar zugʼumidan qochib, yosh qiz Chamanning uyiga borib qoladi va bu Chamanning shaʼniga yomon gap-soʼzlarga sabab boʼladi. Gʼiybatchilar gʼiybati mudhish oqibatlarga olib keladi. Sobir polvonning taqdiri qanday kechadi? Musa polvon-chi, oʼzi boshini silagan yetimni, qizining boshini yorganini kechira oladimi? Qilichbek va Chamanni oldinda nimalar kutyapti?