Yo'qolgan qiz

Zuhra sovuq tunda dugonasi Shirin yuborgan lokatsiya manzil boʼyicha uning yangi sotib olgan xonadoniga keladi. Eshikni begona yigit ochib, oʼzini Yigitali deb tanishtirib, bu uyning uyi ekanligini aytadi. Zuhra ishonib qaytib ketmoqchi boʼlganda, telefoni oʼchib qoladi va tun boʼlgani uchun taksi ham topolmaydi. U noiloj oʼsha xonadonga qaytib, begona yigitdan yordam soʼraydi. Yigitali uni uyga olib kirib, qaynoq choy tayyorlab beradi. Soʼng, u joyda tunda taksi topib boʼlmasligini aytib, shu yerdagi boʼsh xonada, eshikni qulflab yotib qolishni taklif qiladi. Zuhra noiloj rozi boʼladi. Oʼsha xonaga kirib uxlab, yarim tunda dugonasiga bogʼliq dahshatli tush koʼrib uygʼonadi. Dugonasi tushida uni goʼyoki nimadandir ogohlantirmoqchidek tuyuladi. Zuhra quvvati toʼlgan telefonidan dugonasiga xabar joʼnatib qoʼngʼiroq ham qiladi. Аmmo, undan javob yoʼq edi. Zuhra uyqusi kelmay dugonasining internetdagi profiliga kirib, u yerdagi surat va videolarni koʼrar ekan, birdan dugonasi oʼsha uyda tushgan suratlarini va Yigitali bilan ham birga tushgan suratlarini koʼrib qoladi. Zuhra qoʼrquvdan dahshatga tushadi. Аxir Yigitali Shirinni “tanimayman”, degandi-ku! Bu Shirinning yangi uyi boʼlsa, unda Yigitali kim? Nega u oʼzini Shirinni tanimaslikka olyapti? Shirin oʼzi qaerda?