Bog'chaka

Farhod do'sti Tohir bilan birga film olishga urinadi, lekin ishlari yurishmaydi. U qarzga botadi, ota-onasining ishonchi susayadi. Shu paytda do'sti Hikmat uni xususiy bog'chaga ishga joylashtiradi. Bog'chada u aqlli va sezgir qizaloq Mohira bilan tanishadi. Mohira unga do'st va tayanch bo'ladi. Voqealar ko'pincha Mohira nigohi orqali ko'rsatiladi. Keyinchalik bog'chaga yangi tarbiyachi Saida keladi. U bilimli, intizomli va maqsadli qiz. Saidaning kelishi Farhodni mas’uliyatli bo'lishga undaydi.Serial davomida bolalar o'rtasida do'stlik, kelishmovchiliklar, bayramlar va turli voqealar bo'lib turadi. Farhod va Saida bolalarni qo'llab-quvvatlaydi.Farhod shaxsiy hayotida ham sinovlardan o'tadi: qarz muammosi, ishdan ketish xavfi, kino orzusi bilan real hayot o'rtasidagi kurash.Bolalar Farhod uchun hayot maktabiga aylanadi. U asta-sekin haqiqiy ustoz va insonga aylanadi