Xumoyun kelajakda sodir bo'ladigan ayrim voqealarni oldindan ko'ra bilish va insonlardagi xastaliklarni his qilishdek noyob qobiliyatga ega. Bolaligida uni ana shunday parapsixologik qobiliyat sohibi bo'lgan shifokor Lola davolaydi. Biroq Lolaning o'zi ham talabalik yillarida g'ayrioddiy qobiliyati sabab tibbiyot oliygohidan chetlatiladi va keyinchalik shifokorlik faoliyatini AQShda davom ettiradi. Oradan yillar o'tib, katta tajriba orttirgan Lola O'zbekistonga qaytib keladi va ulg'ayib, g'ayritabiiy qobiliyatlari yanada namoyon bo'lgan Xumoyun bilan qayta uchrashadi. Ularning taqdirlari yana bir nuqtada tutashar ekan, Xumoyunning sirli qobiliyati turli voqealar, insonlar taqdiri va murakkab jinoyatlar bilan bog'lanib ketadi.