Hindistonning olis qishlog‘ida yashovchi go‘zal Durga uchun doktor Prasad chinakam najotkor insonga aylanadi. U nafaqat qizning ko‘rish qobiliyatini tiklaydi, balki sevgan insoni Rohitning fojiali o‘limidan keyin og‘ir kunlarni boshdan kechirayotgan Durgani qo‘llab-quvvatlaydi. So‘ng unga hayotni yangidan boshlash kerakligiga ishontirib, o‘zi bilan Shveysariyaga olib ketadi. Shveysariyada Durgani bir ko‘rishda sevib qolgan Raj unga turmush qurishni taklif qiladi. Rohit bilan bog‘liq og‘riqli xotiralar hali ham qalbini tark etmagani uchun Durga uzoq vaqt ikkilanadi. Ammo oxir-oqibat uning taklifiga rozi bo‘ladi. To‘yga tayyorgarlik qizg‘in pallaga kirganida esa kutilmagan haqiqat oshkor bo‘ladi: Rohit tirik ekan va u Rajning eng yaqin do‘stlaridan biri bo‘lib chiqadi.