Nafs

Аbdurahmon togʼda yashaydigan oddiygina choʼpon yigit boʼlib, chiroyli va sadoqatli rafiqasi, kamtarona hayoti bor edi. Аmmo, u televizor koʼrishga juda ham berilgan va soatlab oynai jahon qarshisida oʼtiradi. Ekrandagi hayot uni oʼziga jalb etadi. Fil'mlar, kliplarni jonu dili bilan tamosha qiladi. U televizorda koʼrgan mashhur yulduz Samirga taqlid qila boshlaydi. Bir kuni u televizorda goʼzal bir qizni koʼrib qoladi va uni qattiq sevib qoladi. Oʼziga oʼzi “shu qizga erishish uchun qalbimni ham sotgan boʼlardim” deydi va shu soʼzlardan soʼng, uning hayoti butunlay oʼzgarib ketadi. U oʼsha oʼzi taqlid qilgan Samirga aylanib qoladi. Lekin, qanday qilib? Buning evaziga u qanday sinovlarga duch keladi? Oʼsha u ekranda koʼrgan goʼzal qiz unga eʼtibor qilarmikan? Аbdurahmon oʼzini oldinda nimalar kutayotganidan bexabar edi...