Bolasini unutgan ayol

Beva qolgan Malika ismli ayolni koʼchada erkak kishi ismini aytib chaqirgandek boʼladi. Soʼng, kutilmaganda yerga qarab, oʼz soyasi yonida yana bir odam soyasini koʼrib qolib qoʼrqib ketadi. Chunki, atrofda hech kim yoʼq edi. Birozdan soʼng notanish soya gʼoyib boʼladi. Malika jonholatda atrofga qarab, tez yurib uyga keladi. Uyda qizchasiga “yolgʼiz qoʼrqmadingmi?” desa, qizchaning “yoʼq, yolgʼiz emasman” degan soʼzlari uni yana ham qoʼrqitadi. Аmmo, qizchasi bu gap bilan oʼyinchoqlarini nazarda tutgandi. Lekin, baribir Malikaning koʼngli gʼash boʼladi. Shu payt onasi qoʼngʼiroq qilib, bexavotir yashashi uchun, unikiga koʼchib kelishini soʼraydi. Malika rozi boʼlib, oʼzi va qizchasining narsalarini yigʼadi. Soʼng, taksiga oʼtirib yoʼlga tushadi. Аmmo, maʼlum bir joyga yetganda, taksidan tushib, bir joyga kirib chiqmoqchi boʼladi. Qaytib chiqqanda esa, u nima boʼlayotganini anglolmay qoladi. Qizchasi gʼoyib boʼlgandek edi. Qizcha qayoqqa gʼoyib boʼldi? U aslida qizchasini oʼzi bilan birga olib ketganmidi? Malikani aslida kim yoki nima taʼqib qilyapti?