Qovun o'g'rilari

Chekka qishloqda birga katta bo'lgan to'rt yigit - Oybek, Elmurod, O'tkir va Umid o'simlik kasalliklari hamda zararli hasharotlarga qarshi kurashib, birga mehnat qilishadi. Kunlarning birida ular tadbirkorning oyoq kiyimlar ortilgan mashinasiga hujum qilgan o'g'rilarni ko'rib qoladi va uni himoya qiladi. Janjal vaqtida o'g'rilar kaltak yeydi, ammo qochib ketishga muvaffaq bo'ladi. Shundan so'ng yigitlar sog'lom turmush tarzini yo'lga qo'yish va o'zlarini himoya qilishni o'rganish maqsadida Po'lat aka qo'l ostida mashg'ulot boshlashadi. Mashqlar davomida esa ko'plab kulgili voqealar yuz beradi. Oradan vaqt o'tib, tadbirkor Otabek aka minnatdorchilik sifatida yigitlarga pul beradi. Oybek bu pulga mashina sotib olib, Toshkentda taksichilik qila boshlaydi. Ammo eski adovatni unutmagan o'g'rilar qasos olish maqsadida uning mashinasini o'g'irlab ketadi. Do'stlar mashg'ulotlarni yanada kuchaytirib, o'g'rilar iziga tushadi. Bu orada O'tkir Rossiyaga ishlash uchun ketadi, Oybek esa oila qurish haqida o'ylay boshlaydi. Nihoyat, ustaning yordami bilan o'g'rilar topiladi va IIB hamda Milliy gvardiya xodimlari tomonidan qo'lga olinadi