Go‘zal Riya san’at kollejida tahsil oladi va g‘alati fe’l-atvorga ega yigit — Aryan bilan tanishadi. Uning jo‘shqin tabiati va ko‘zlagan maqsadiga har qanday yo‘l bilan erishishga bo‘lgan qat’iyati Riyaning qalbini zabt etadi.

Riya Aryanni ota-onasi bilan tanishtiradi. Ammo uning otasi, doktor Ranvar, qizining tanlovini ma’qullamaydi. U ich-ichidan Aryan o‘zini ko‘rsatayotgan darajada oddiy va samimiy yigit emasligini his qiladi. Shuning uchun qizining tanlagan insoni o‘tmishidagi sirlarni ochishga va u haqidagi haqiqatni bilishga qaror qiladi.