Samirning eng katta muammosi — uning jahldorligi. Shu fe’l-atvori tufayli u tug‘ilib o‘sgan shahridagi deyarli hamma bilan munosabatlarini buzadi va Goaga qutqaruvchi bo‘lib ishlash uchun yo‘l oladi. Goaga kelgan ilk kunidayoq u go‘zal Rani bilan tanishib, unga oshiq bo‘ladi. Ammo taqdirning hazili bilan o‘sha kunning o‘zida adashib Ranining otasiga tarsaki tushiradi. Endi Samir nafaqat Ranining kechirimiga erishishi, balki uning otasi oldida ham o‘zini oqlashi kerak. Buning ustiga, qo‘shnisi bo‘lib ko‘chib kelgan Sanni haqidagi bashorat Samirni yanada xavotirga soladi: go‘yoki aynan u Samirning sevgan qizini tortib olishi kerak. Samir taqdirning ko‘plab sinovlarini boshdan kechiradi, ammo muhabbati uchun kurashishdan hech qachon voz kechmaydi.