Milodiy 200-yil. Mark Akatsiy qo‘mondonligidagi Rim imperiyasi qo‘shini Shimoliy Afrikadagi so‘nggi ozod davlat - Numidiyaga hujum qiladi. Bosqinchilar bilan bo‘lgan jangda jangchi Xannoning kamonchi rafiqasi halok bo‘ladi, o‘zi esa asir tushadi. Uni boshqa asirlar qatori qullikka sotmoqchi bo‘lishadi, biroq jismoniy chidamliligi va jangchilik mahorati tufayli gladiatorlar jangi tashkilotchisi Makrinning e’tiboriga tushadi va u, Xannoni sotib oladi. Shunday qilib, jangchi rimlik sarkardadan qasos olishga chanqoq gladiatorga aylanadi. Makrin Xannoga, agar u Kolizey maydonida ta'sirli, yorqin va shiddatli jang ko'rsatadigan bo'lsa, uni ashaddiy dushmani bilan uchrashtirishga va’da beradi.