Dunyoning ishlari

«Dunyoning ishlari» bir qarashda avtobiografik qissaga o‘xshaydi. Unda muallif o‘z onasi to‘g‘risida, urush yillarida kechgan bolaligi to‘g‘risida hikoya qiladi. Lekin yozuvchining asosiy niyati o‘zi uchun eng aziz siymo – Onaning aniq portretini chizish, uning hayot yo‘lini bayon etish, sha’niga maqtovlar aytib, xotirasini abadiylashtirish va shu yo‘l bilan farzandlik burchini o‘tashgina emas. «Dunyoning ishlari» onaga bag‘ishlangan ko‘pgina asarlardan farq qilmaydigan jo‘ngina asar bo‘lib qolardi». Ushbu qissadagi ona obrazi yozuvchining o‘z onasi obrazi bo‘lishdan tashqari unda umumlashmalik, mukammallik va individuallik xususiyatlarining jamlanmasini kuzatish mumkin. Shunga qaraganda qissadagi Ona – o‘zbek onalarning jamlanmasi asarda ushbu obraz tip sifatida shakllangan. Chunki unda ona degan buyuk zotga xos deyarli barcha belgilarning mujassamlashtirilganini va unga yozuvchi o‘z estetik idealini ham aralashtirib, yuqorida ham aytib o‘tganimizdek mukammal timsol yaratganiga guvoh bo‘lamiz.