Bir haftalik xo'jayin

Katta bir korxona rahbari Xolida Erkinovna safarga ketayotganda, bir haftaga vaqtinchalik oʼz oʼrniga yordamchisi Sanjarni qoʼyib ketadi. Sanjar qoʼrs, ish haqida gap ketsa, hech kimni ayamaydigan inson edi. U hammaga qoʼpol muomala qilib, oʼzini talabchan qilib koʼrsatmoqchi boʼladi. Hattoki, singlisi Saidaning hayotida muammo yuz berganda ham, xabar olgani bormay, ish bilan band boʼladi. Uni faqat xodimasi Malikagina tushunadi va yoqtiradi. Аmmo, Sanjarning feʼlidan qoʼrqib, oʼz tuygʼularini unga bildirmaydi. Haydovchisi band boʼlib qolib, oʼz shaxsiy mashinasida ishga borgan kuni Sanjar avtohalokatga uchrab, miyasi chayqaladi va kutilmaganda odamlarning fikrini oʼqiy oladigan boʼlib qoladi. U endi qarshisidagi har qanday inson gapirmay nimani oʼylasa, eshitardi! Bu ajoyib qobiliyat unga halaqit bera boshlaydi. Chunki, u xodimlarini uni qanchalik yomon koʼrishlarini, yaqinlari uchun oʼzi qanchalik xudbinlik qilganligini anglay boshlagan edi... Sanjar bularni tushunib yetgach, endi qanday yoʼl tutadi? U Malikaning tuygʼularidan xabar topadimi? Sanjarning kelgusi taqdiri qanday kechadi?