Afsus

Davron va Husnora bir-birlarini sevishadi. Аmmo, Davron asabiy yigit, firmasi bor va doim ish bilan band. Husnora esa, quvnoq qiz va unga doim qoʼngʼiroq qilaveradi. Yigitning jahli chiqib, qizni urishib beradi. Аmmo, Husnora xafa boʼlmaydi va uni tushunishga harakat qiladi. Bir safar Davron Husnora bilan telefonda gaplashaman, deb, ehtiyotsizlik qilib odam urib yuboradi. Bu Husnoraning otasi edi. Аmmo, Davron ham, Husnora ham bundan bexabar. Davron shunda Husnorani kasalxonaga chaqirtirib, vaqtincha oʼsha odamga qarab turishni, oʼzi esa, juda muhim majlisga borishi kerakligini aytib, iltimos qiladi. Husnora rozi boʼladi. Qiz hamshira boʼlgani uchun, bilmay, ukol qilgani Davron urib yuborgan insonning yoniga kiradi va uni oʼz otasi ekanligini koʼrgach, qotib qoladi. Soʼng, Husnora tasodifan u yerda Davronning yon daftarini koʼrib qoladi. Uni unutib qoldirgan, deb, Davron oʼtkazayotgan majlisga bostirib kirib boradi. Qarasa, qoʼlidagi boshqa daftar, u adashgan edi... Majlis rasvo boʼladi va ensasi qotgan hamkorlari Davrondan yuz oʼgirishadi. Kun juda omadsiz boʼladi. Davron alamini qizdan olib, uni haydaydi. Oʼzining ham kayfiyati rasvo boʼladi. Ertasiga esa, yana oʼsha kun qayta boshlanadi va yigit uchun yana bir imkon paydo boʼladi! Davronning oʼzi ham, nima uchun bunday boʼlganini tushunolmay qoladi. Yana qayta berilgan imkoniyat orqali Davron oʼtgan kundagi xatolarini toʼgʼrilay olarmikan?