Yo'lovchi

Shodmonning xotini Gulshan arazlab, bolasini olib uydan ketib qolgan. Shodmon esa, bunga chidolmay alamini aroqdan olmoqchi boʼlib turganda, doʼsti Behruz mehmonga kelib qoladi. Ikki doʼst dardlashib rosa aroq ichishadi. Shodmon Behruzga xotini bilan ajrashmoqchi ekanligini aytadi. Behruz oilasi buzilgan yigit boʼlgani uchun, doʼstini bu fikridan qaytarmoqchi boʼladi. Аmmo, Shodmon fikridan qaytmaydi. Vaqt allamahal boʼlganda, Behruz uyiga qaytmoqchi boʼladi. Shodmon uning uyida yotib qolishni taklif etadi. Аmmo, Behruz koʼnmay, mashinasida yoʼlga tushadi. U shaharga oʼz uyiga ketayotgan edi. Yoʼlda dalaning qoq oʼrtasida bir yosh ayolga koʼzi tushadi. Qarasa, Shodmonning xotini Gulshan. Behruz hayron boʼladi. Gulshan esa, uni shaharga tashlab qoʼyishini soʼraydi. Behruz uni mashinasida olib ketayotganda, ayol gʼoyib boʼlib, oʼrindiqda faqat roʼmoli qoladi. Behruh hayron boʼladi va shoshib uyiga yetib keladi. Uyda keksa onasi undan xavotir olganini aytadi. Shu payt eshik qoʼngʼirogʼi jiringlaydi va Behruz qarasa, eshik oldida Gulshan qolib ketgan roʼmolini soʼrab turibdi. Behruz roʼmolni olib chiqqanda, Gulshan yana gʼoyib boʼlgan edi. U rostdan ham Behruznikiga kelganmidi? Behruzni onasi bu holatga qanday qaraydi? Behruzning oʼzi tonggacha yana qanday hodisalarga guvoh boʼladi? Qishloqdagi Shodmonning ahvoli-chi? U tonggacha qanday koʼngilsizliklarni boshidan oʼtkazadi?