Bir-birini mehr bilan sevib yashayotgan Anand va Kavitaning farzandi bo‘lmaydi. Shu sababli ular mehribonlik uyidan kichkina Nehani asrab olishadi. Qizaloq ularning hayot mazmuniga aylanadi. Ammo oradan ko‘p o‘tmay, Nehaning asl onasi tirik ekani ma’lum bo‘ladi. U Anandlarning uyiga kelganda, Anand uni bir necha yil avval poyezdda bosqinchilardan himoya qilgan va keyinchalik taqdir taqozosi bilan bir kechani birga o‘tkazgan ayol ekanini tanib qoladi. Endi Anandni bir savol tinch qo‘ymaydi: Nahotki Neha uning o‘z qizi bo‘lsa?..